 |  شيخ رشيد احمد وايي چې دا د هيواد په دفاعي ستراتيژۍ کې خورا مهمه پېښه ده |
پاکستان وايي خپل لومړنى کروز توغندى يې چې کولى شي اټومي وسلې تر ٥٠٠ کليومترو پورې ولږېدوي، په بري سره آزمايلى دى. د پاکستان د اطلاعاتو وزير شيخ رشيد احمد بي بي سي ته وويل چې دا د هيواد په دفاعي ستراتيژۍ کې خورا مهمه پېښه شوه. هغه وويل پاکستان خپله دفاعي وړتيا ځکه پياوړې کوي چې له هند سره چې لگيا دى له ټولې نړۍ نه دوديزې وسلې پېري، سيالي نشي کولى. دا وروستۍ پرمختيا په داسې حال کې رامنځ ته شوې چې لوېديځ، په تېره بيا امريکا د پرمختللې توغنديزې ټکنالوژۍ له خپرېدو سره کلک مخالفت کوي. په داسې حال کې چې پر اټومي او توغنديزې ټکنالوژۍ د ايران له کبله هم نړيوال پام ټول دى، امريکا ولې د پاکستان ددغسې هڅو په وړاندې چوپتيا غغوره کړې ده. | 
دا پاڼه کوم ملگري ته ولېږئ
چاپي بڼه