 |  دا پيښه د کراچۍ څخه ٦٠٠ کيلو متره دگوډکي په سټيشن کې رامنځته شوى ده |
د راپورونو تر مخه په پا کستان کې ددرې مسافر وړونکو اورگاډو د ټکر په يوه پيښه کې په لس گونو تنه وژل شوي او له سلو زيات نور ټپيان شوي دي .دغه پيښه نن سهار د وخته د سند او د پنجاب د صوبو په پوله د اروگاډو په يوه تم ځي کې رامنځ ته شوې ده . په دغه پيښه کې دوه د حر کات په حال کې اورگاډې له يوه ولاړ اورگاډي سر جنگيدلي. د راپورونو ترمخه په دغه پېښه کې يو گن شمېر مسافرين د اورگاډو په دبو يا واگونونو کې هم بند پاتي وه چې وروسته بيا د ژوغرنې عملي ورته نجات ورکړي او بند کسان يي له واگونونو څخه راويستلي دي . |  په پيښه کې سل کسان مړه او د سلو نه ډير ټپيان دي  جنرال شوکت سلطان |
ددغې پيښې په اړه په اسلام اباد کې زمونږ همکار طاهر خان وايي چې په پاکستان کې د اورگاډي د ادارى چارواکې وايي چې دلاهور څخه کراچۍ ته تلونکى د کوټې اکسپرس په نامه د مسافرو اورگاډى د تخنيکي ستونزو له امله د کراچۍ څخه ٦٠٠ کيلو متره لرې د گوډکي شټيشن سره ولاړ وو. د کوټې د اکسپرس د جوړولو کار روان وو چې د شانه راتلونکي کراچۍ اکسپرس خوا شا سهر ٤:٣٠ بجى ددغي اوگاډى سره وجنگيدو. ويل کيږي چې په همدغه وخت د اورگاډې په بله ليکه يو بل اورگاډې چي د کراچۍ نه لاهور ته تلو، دا اورگاډې د کراچۍ اکسپرس سره مخاخ وجنگيدو. د فوج يو وياند جنرال شوکت سلطان ويلي چې په پيښه کې سل کسان مړه او د سلو نه ډير ټپيان دي. څه موده وړاندې د پاکستان دولتي تلويژون په پيښه کې د مړو کسانو شمېره څه نا څه ٣٠٠ ښودلى وه. | 
دا پاڼه کوم ملگري ته ولېږئ
چاپي بڼه