د بريتانيا د بهرنيو چارو وزير جيک سټرا چې همدا اوس په بروکسل کې دى

د بريتانيا د مالي وزير گورډن براون په بروکسل کې اروپايي پارلمان ته وينا وکړي او هم به داروپايي هېوادونو د مالي وزيرانو سره وگورې.

ښاغلى براون غواړي چې په اروپا کې ټول ترهگرو نيول شي او وسره ددوې او د مرسته کونکو شتمنۍ کنگل کړل شي.

د اروپايي اتحاديې د مالي وزيرانو تير کال د اسپانيا په ماډريد کې د بمي بريدونو ورسته د خپلو هڅو د منسجم کولو لپاره يو تړون لاسليک کړى وو. خو دا ځل د بريتانيا د مالي وزير گورډن براون غواړي چې هغه پلان سمدستي بي له ځنډه پلى شي.

اروپايي پارلمان ته به ښاغلى براون په خپله وينا کې ووايي چې د ترهگرو او هم د هغو کسانو لپاره چې له ترهگرو سره مالې مرستي کوي د پټيدو ځائ نه وي.

ددې تر څنگ د بريتانيا د بهرنيو چارو وزير جيک سټرا چې همدا اوس په بروکسل کې دى ، غواړي چې د غلا شوو چا وديدونکو توکو او وسلو د نومونو د نوو لستونو، د گرځنده ټيليفون او د بريښناليکونو د شمېرو د ريکارډ د ترلاسه کولو لپاره هم د خپلو اروپايې ملگرو سره يوي نوې سلاح مشورې ته سره ورسيږي.