سپين تڼى هايدپارک - لندن

تر سلو سندرغاړو پورې پدې کنسرت کې برخه واخيسته ، خو تور پوټکي سندر غاړي پکې کم وو.

دافريکې د لويې وچې نه د لوږې او نيستى د له منځه وړلو په موخه د نړى په نهوسترو ښارونو کې غټ کنسرتونه تر سره شول او په ميليونونو وگړو برخه پکې واخسيته .

دکنسرت جوړونکي هوډ لري چې داتوسترو صنعتي هيوادونوپر مشرانو فشار واچوي چې دگلاسگو په غونډه کې د افريکې د لوږې د له منځه وړلو لپاره بډې ورونغاړي .

د لندن په هايد پارک کې داسې ستر کنسرت جوړ شوى وو چې دوه سوه زرو تنو پکې گډون کړى وو او د نړى د پوپ او راک د موسيقى وتلې څيرې او نامتو ستورې يي برخه وال وو.

ددې کنسرت يوه جوړوونکي او سندرغاړى پوپ گيلداف وويل چې د افريکې په لويه وچه کې خواري او لوږه بايد د تاريخ برخه وگرزي . د هايد پارک په کنسرت کې هم همدغه شعار هر ځاى تر سترگو کيده .

مدونا: ايا تاسو انقلاب ته تيار ياست؟ ايا د تاريخ د بهير بدلون ته تيار يي؟

دميکروسوفت د پروگرامونو بنسټ ايښوونکي بيل گيټ وويل چې که خلکو ته ستونزې اودهغو د حل لارې وروښودل شي لوږه له منځه تللى شى او دا غټ کار دى .
په جوهانزبورگ کې دجنوبي افريکې پخواني ولسمشر او د اپارتايد پرضد ستر مبارز نلسن مانډيلا زياته کړه ترڅو چې په افريکه کې لوږه وي پرمختگ نه شي راتلاى .

وتلو سندر غاړو اېلتن جونس ، مايکل جورج ، مادونا ، ديستيني چايلډ ، ميس داينمايت ، ربي ويليمز، جورج مايکل او پخپله باب گيلدوف سندرې وبللې .

تر سلو سندرغاړو پورې پدې کنسرت کې برخه واخيسته ، خو تور پوټکي سندر غاړي پکې کم وو.

شل کاله وړاندې د افريکې د لوږې د له منځه وړلو په موخه ورته شان کنسرتونه جوړ شوي وو خو دا ځل ددې کنسرت جوړوونکي د نړى د اتو شتمنواو بډايو صنعتي هيوادونو نه په کلکه غواړي چې د عمل ميدان ته راودانگي او مرسته وکړي .

دکنسرت امنيت خورا کلک او اغيزمن نيول شوى وو .
خورا ښه او خوشحال کنسرت وو خو د اتڼ لپاره ځاى نه وو.