د فرانسيې د وسله وال ځواک لوى درستيز جنرال هينري بينتي جيت وويل فرانسه به افغانستان ته د راتلونکو پارلماني ټاکنو د امنيت د نيولو په موخه تقريبا زر تنه نور عسکر افغانستان ته وليږي .

جنرال بينتي جيت چې کابل نه يي د خپل يو ورځني سفر په مهال يوه خبري کنفرانس ته وينا کوله وويل له تېرو څو مياشتو راپديخوا د افغانستان په جنوب او جنوب ختيزو سيمو کې د طالبانو له اړخه بريدونو کې د يادونې وړ زياتولى راغلى .

ده زياته کړې داسې گمان کيږي چې دوي ددغو بريدون په کولو سره غواړي د راروانو ټاکنو په وړاندې ستونزې جوړې کړي .

فرانسه اوس مهال په افغانستان کې زر تنه سر تيري لري چې له ايساف او د امريکا په مشرۍ له ځواکونو سره فعاليت لري.

جنرال بيتني جيت وويل چې پدي لړ کې به فرانسه تر زرو پورې خپل نور سر تېري افغانستان ته وليږي چې افغان حکو مت او نړيوالې ټولنې سره د ټاکنوپه مهال نور ه زياته مرسته وکړي .

همدا شانې د فرانسيې د وسله وال ځواک لوى درستيز ويلي فرانسه به په افغانستان کې د تره گرو د ځالو د په نښه کولو او له د هغو د له منځه وړلو په موخه به خپلې شپږ معراژ جنگي الوتکې په تاجکستان کې ځاى په ځاى کوى .

فرانسه اوس مهال په افغانستان کې زر تنه سر تيري لري چې له ايساف او د امريکا په مشرۍ له ځواکونو سره فعاليت لري.