 |  دايران نوى ټاکل شوى ولسمشر |
د ايران دټاکنو په تاريخ کې ترټولو په ستر بدلون کې د تهران سخت دريځ ښاروال محمود احمدي نژاد د ولسمشرى په ټاکنو کې وتلي بري ته رسيدلى دى .پداسې حال کې چې ډيرې رايې شميرل شوي ، نوموړي د زړوپالو يوڅه معتدل پخواني ولسمشر اکبر هاشمي رفسنجاني ته ماتې ورکړه او د رايه ورکوونکو په سلوکې پنځه شپيته رايي يي ترلاسه کړې . ښاغلي احمدي نژاد په ايران کې د اسلامي انقلاب په ارزښتونو ټينگار کوي او د ايران د شمتنيو د برابر ويش پلوى دى .
|  دداسې معاصر پرمختللى او اسلامي ايران جوړول غواړم چې د ټولې نړى لپاره نمونه وي  محمود احمدي نژاد |
محموداحمدي نژاد خپلو ملاتړکوونکو رايه ورکوونکو ته ځان د يوه ساده او سپين سړي په توگه ور پيژني چې د پښ زوى دى . خوخلک د اوسنيو واکمنو ناکامي په بي کارى ، انفلاسيون او درغلى کې گوري . سمون پال وېره لري چې احمدي نژاد به هغه ټولنيزې ازادى له منځه يوسي چې په وروستيو اتو کلونو کې را منځ ته شوې دي . گټونکى ولسمشر د ايران په تلويزيون وينا وکړه او زياته يې کړه چې ددې سره سره چې ټاکنې چا گټلې دي ، يووالي او اتحاد ته اړتيا ده . ښاغلي احمدي نژاد وويل چې دداسې معاصر پرمختللى او اسلامي ايران جوړول غواړي چې د ټولې نړى لپاره به نمونه وي . | 
دا پاڼه کوم ملگري ته ولېږئ
چاپي بڼه