امنيتي حالت لاهم چندان ښه نه دى

دافغانستان لپاره د ملگروملتونو لوړپوړي استازي جين ارنولت ويلي چې په هيواد کې د امنيتى وضعې خرابوالى دهيواد پارلماني ټاکنې چې په روان سپتمبر کې کيږي له گواښ سره مخامخ کولى شي .

ښاغلي رونلت دملگروملتونو امنيتي شورا ته په وينا کې زياته کړه چې دپخوانيو طالبانو ملاتړي دملکي وگړو په وړاندې له ډير ظلم او زياتي نه کار اخلي.
ده په افغانستان او پاکستان دواړو غږ و کړ چې د ثبات د رامنځ ته کيدو لپاره زياتې هلې ځلې وکړي .
ښاغلي ارنولت پداسې حال کې خبرې کولې چې د افغانستان په جنوب کې د امريکا-افغان ځواکونو گډ پوځي عمليات روان وو او د افغان چارواکو په وينا په ترڅ کې يې سل شکمن ياغيان وژل شوي دي .

ناپېلو سرچينو ددې شميرې پخلى نه دى کړى .