ښاغلي کرزي د بنديانو سره ناوړه چلند وغانده

دا ادعاوې دامريکايى پوځيانو لخوا دنيويارک تايمز ورځپاڼې ته څرگندې شوې دي . پدې ادعاوو کې داسې تورونه هم شته چې يو بندى په يوه شپه اوورځ کې سل ځله وهل شوى اوځکه خومړ شوى دى .

ښاغلي کرزى دهر امريکايي عسکر دسزا اوله پوځ نه دهغه د لرې کولوغوښتنه وکړه چې له افغان بنديانو سره په ناوړه چلند تورن اوگرم وى .

له ښاغلي کرزي نه دا پوښتنه هم وشوه چې له ولسمشر بوش سره به دراتلونکې اوونى په کتنه کې همدا خبره وکړې کنه؟ ښاغلي کرزي وويل هوحتما" . ښاغلي کرزي خپلې هغه غوښتنې بيا تکرار کړې چې په گونتانامو کې افغان بنديان دې افغان حکومت ته وسپارل شي .

دا د پخوا په پرتله دښاغلي کرزي ځيږې څرگندونې دي چې لاهم افغانستان په امريکې اودهغې په مرسته تکيه کوونکى هيواد گڼي . څه موده وړاندينى مضاهرې اوناکرارى که څه هم اوس غلې شوې دي ، دامريکې دتگلارې اود هغه دشته والي په وړاندې يوه بله يادونه وه .

اوس افغان ولسمشر گومان کوي چې نور نو نشي کولى امريکايانو ته دهر څه دکولو اوسر ته رسولو اجازه ورکړي .