 | | | | | | | |||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||
|
په کابل کې يوه بهرنۍ وگړې تښتول شوې ده | ||||||||||||||||||||||||||||||||||||||||||||||||||||||||||||||||||||||||||||
په افغانستان کې چارواکي وايي چې يوې جنايي ډلې منلې ده چې دوى په کابل کې د لويديځ د يوې مرستندويه ټولنې يو کارکونکې تښتولې ده. د ايټاليې سفارت ويلي دي چې تښتول شوې کلمينتينا کنتوني ددوى دهيواد يوه وگړې ده خو په دې اړه يې نور جزوييات ډاگيزه کړې نه دي. د کابل په قلعه فتح الله کى تيره شپه د اته نيمو بجو په شاوخوا کې د تښتونې ددغه پيښې له رامينځ ته کيدو نيولې بيا تر اوسه پوليس او امنيتي ارگانونه د پاملرنى د نړيوال سازمان د تښتول شوې ايټالوۍ کارکونکى کليمينتينا کنتوني د څرک د لگولو لپاره په منډو تړو دى . د کورنيو چارو د وزارت وياند لطف الله مشعل بى بى سى ته وويل چې د ښار ټولې څلور لارې او له ښاره څخه وتونکي لارې تر بشپړې څارنې لاندي نيول شوي او د لټونو لپاره په کافي شمير کې ښځينه پوليسان هم گمارل شوي دي. ددې تر څنگه ښاغلي مشعل د لټون د عملياتو د تابيا لپاره د دفاع او کورنېو چارو د وزارتونو، د ملي امنيت د رياست اود اتلاف او ايساف د ځواکونو له لوري د يوې گډې کميتې د جوړيدو خبره هم وکړه . ها خوا په رسنيو کې داسي رپوټونه هم راغلي وو چې گواکي د غلو يوې ډلې د کورنيو چاروله وزارت سره د تلفوني تماس په ترڅ کې د پيښې پړه په غاړه اخيستې او د تښتول شوې ايټالوۍ کارکونکي دپريښودو په بدل کې يې له بند نه د خپلو ملگرو د خوشي کيدو غوښتنه کړي ده. خو ښاغلى مشعل وايي چې دوى لاتر اوسه هم په دقيق ډول په دې نه پوهيږي چې په تښتونه کې د چا لاس دى. |
| ||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||
دا پاڼه کوم ملگري ته ولېږئ
چاپي بڼه
