په افغانستان کې داسلامي تلويزيون پرانستل

دوى وايي چې ددغه تلو يزيون هدف ټولنه له اخلاقي زيان څخه ژغورل دي.

د علماوو د شورا وياند بي بي سي ته وويل چې دا تلو يزيون په اسلامي چوکاټ کې دننه خپرونې چلوي.

نوموړي وويل که څه هم دوى ښځو ته درناوى لري خو دا پرېکړه لا نه ده شوې چې په دې تلويزيوني کانال کې به دوى ته د کار کولو اجازه ورکړل شي که څنگه.

خبريالان وايي چې په افغانستان کې د طالبانو له راپرزېدو راهيسي په دغه هېواد کې يو شمېر نوي تلويزيوني کانالونه او د راډيو سټېشنونه پرانستل شوي دي.