 |  د جلال اباد تورخم د لوي لارې کار د څوارلسو مياشتو په ترڅ کې په سلو کې د يرش هم نه دى ترسره شوى |
د ننگرهار د خلکو او چارواکو له نيوکو وروسته د پاکستان حکومت ويلي دي چې د جلال اباد تورخم سړک د جوړولو چارې چې ډېرې په قراره روانې دي بلې کمپنۍ ته سپاري.په جلال اباد کې د پاکستان د قونصلگرۍ ويلي دي چې نوې کمپنۍ به د مې په اتمه نېټه د سړک جوړونې چارې په لاس کې اخلي. د موافقى سره سم تاکل شوې وه چې دا سړک به په دوو کالو کې په اساسي ډول جوړيږي خو اوس چې دکار د پيل نه څوارلس مياشتې تېرې شوي دي د سړک د يرش فيصد برخه کار هم نه دى شوى. د سړک جوړونې په کار کې د ځنډ له امله نه يواځې د ننگرهار خلک بلکې ټول افغانان اوبهرنيان چې د افغانستان نورو برخو ته هم تگ راتگ کوي د ستونزو سره مخامخ دي. | 
دا پاڼه کوم ملگري ته ولېږئ
چاپي بڼه