 |  په زابل کې په بريدونو کې ډير وختونه موټر سايکلونه کارول کيږي |
په افغانستان کې يوه جگپوړى پوځي افسر ويلې ، چې چارواکو د زابل په ولايت کې د موټر سايکل پر چلولو او د پطرولو پر پلورولو بنديزونه لگولى دي.له دې گام څخه هدف دا دى چې د طالب پاڅونکو د بريدونو مخه ونيسي ځکه دوى په دغه ولايت کې په بريدونو کې ډير وختونه موټر سايکلونه کاروي. د زابل ولايتي وياند وويل چې د موټر سايکلونو پر چلولو به بنديز تر هغه مهاله دوام ولري تر څو يې چلونکو ته ځانگړي کارتونه نه وي ورکړي. يو وار چې بنديز لېري شي هر څوک چې د ځانگړې کارت د درلودلو پرته موټر سايکل وچلوي د حکومت له لوري به ونيول شي. تمه کيږي چې د کارتونو د ترلاسه کولو لپاره د راجستر کولو بهير په دو اونيو کې پيل شي. خبر يالان وايي چې په دې وروستي وختونو کې د امريکا په مشرۍ نړيوالو او حکومتي ځواکونوباندي بريدونه د زابل په ولايت کې ډير شوې دي. | 
دا پاڼه کوم ملگري ته ولېږئ
چاپي بڼه