 |  په نښته کې د امريکايي مرگ ژوبلې په اړه څه ويل شوي نه دي. |
د امريکا د پوځ په وينا دا په دې وروستيو ورځو کې دويمه مهمه نښته ده چې ياغيان په کې وژل شوي دي. امريکايي پوځيانو ويلي دي چې د سهشنبې يا نهې په شپه يې په خوست کې پر يو ه امريکايي اډه د راکټونو د بريدونو وروسته پر ياغيانو د هېلي کاپټرو، الوتکو او توپو ډزې کړې دي. يو امريکايي چارواکي ويلي دي چې د ياغيانو لخوا د بريد ځايې يې معلوم کړى وو. د دغه چارواکي په وينا امريکايي ځواکونو په ځوابي بريد کې هر هغه څه کارولي دي چې دوى لرل. د دې اونۍ په لومړيو کې امريکا ويلي وو چې په زابل ولايت کې يې هم د طالب جنگيالو يوه ډله وژلې وه. په افغانستان کې د ژمي په ختمېدو سره د امريکايي او ملي پوځ پر ضد د بريدونو کچه يو څه لوړه شوې ده. | 
دا پاڼه کوم ملگري ته ولېږئ
چاپي بڼه