 |  ښاغلي خليل زاد د امريکا د سياستونو په رڼا کې له مجاهيدنو نه ملاتړ کاوه. |
د امريکا متحدو ايالاتو زلمي خليل زاد چې په اوس مهال کې افغانستان کې د امريکا سفير دى د عراق د خپل نوي سفير په تو گه اعلان کړي . د امريکا د بهر نو چارو وزيرې کاندو لېزا رايس ښاغلى خليل زاد د هغه د تجربې او د تېرو بريو په بنسټ د عراق د سفير په توگه غوره کړى دى.ښاغلي خليل زاد چې ٥٤ کاله عمر لري د منځني ختيز او د پوځي چارو يو کارپوه دى وايي نوې دنده به يي اسانه نه وي.
زلمي خليل زاد پژندگلو: زلمى خليل زاد دجمهورې پلوو د رونالد ريگن نه نيولي دجارج بوش د پلار او بيا په خپله د بوش د حکو متونو يو له نزدې پلويانو نه پاتې شوي . نوموړى د سړې جگړي او بيا د سپتمبر له ١١ نېټې څخه وروسته په پر له پسې توگه د امريکا د حکو متونو له اړخه د افغانستان او د نورې اسلامي نړۍ د هېوادونو په سياست کې څه افغانستان لپاره د امريکا د ځانگړي استازي ، افغانستان لپاره د امريکا د سفېر او اوس عراق لپاره د امريکا د نوي سفير په توگه سياسي ماموريتونه تر سره کوي . |  زلمې خليل زاد هر وخت د ولسمشر بوش مشاور پاتې شوي |
ښاغلي خليل زاد چې ٥٤ کاله عمر لري د امريکا د شيکا گو له پوهنتون څخه يې په سياسي علومو کې دوکتورا تر لاسه کړې په ١٩٨٤ کال کې يې د امريکا د بهرنيو اړيکو په شورا کې د يوه پلټونکي په توگه کارپيل کړ او بيا وروسته د هغې شورا د سياسي پلان جوړونې غړي شوو.د سړې جگړې په مهال د ٨٠ ايزې په اوږدو کې ښاغلي خليل زاد د امريکا د سياستونو په رڼا کې له مجاهيدنو نه ملاتړ کاوه . او د کلتنتن د جمهوري رياست په دوره کې د تحقيقاتو په انستيتوت کې په کارونو بوخت وه . او پدا وروستو کلونو کې په افغانستان کې د طالبانو او په عراق کې د صدام حسين د حکو مت د نسکورولو په مهال زلمې خليل زاد هر وخت د ولسمشر بوش مشاور پاتې شوي. | 
دا پاڼه کوم ملگري ته ولېږئ
چاپي بڼه