 |  د افغانستان د ولسمشر حامد کرزي هم په دې کانفرانس کې گډون کړى |
د هسپانيې په پلازمينې مادريدکې د ترهگرۍ او دېموکراسۍ په اړه نړيوال کانفرانس په دويمه ورځ د ترهگرۍ پر ضد جگړې کې په نامناسبه توگه د زور په کارولو سختې نيوکې کړيدي. په دې کانفرانس کې د ملگرو ملتونو د سرمنشي کوفي عنان،د اروپايي کمېسون مشر مينول بارسو ، د ناټو د مشر ياپ دې هوپ شيفر ، او د افغانستان د ولسمشر حامد کرزي په گډون ٢٠٠ استازي برخه اخلي. دا کانفرانس داسې تنظيم شوى دى چې تير کال د مارچ په مياشت کې مادريد کې د ترهگريز بريد له کاليزې سره سمون خوري، په دې بريد کې ١٩٠ کسان وژل شوي او نزدې ٢٠٠٠ ژوبل شوي وو . دا کانفرانس د مادريد کلب تر نوم لاندې د ټولنې لخوا تنظيم شوى دى . په دې ډلې کې له ټولې نړۍ څخه د دولتونو او حکومتونو پخواني او ځينې برحال مشران برخه لري کانفرانس کې د ترهگرۍ پر ضد د امريکا لخوا د اندازې زيات زورکارونې پر ضد انتقاد وشو او ويل شول چې دا ډول تگلاره منفي پايلې له ځان سره لري په کانفرانس کې به د ترهگرى په عواملو، ور سره د مقابلې په لارو چارو ، په کورنۍ کچه تره گرى ته د ځواب ويلو او ددې په مخنيوي کې د مدني ټولنې په رول باندې خبرې کيږي. افغان پلاوى چې مشري يې ښاغلى کرزى کوي تمه کوي چې د کانفرانس په اوږدو کې به د افغانستان په حالاتو هم خبرې وشي | 
دا پاڼه کوم ملگري ته ولېږئ
چاپي بڼه