 |  د امريکا ولسمشر هڅه کوي چې له اروپايانو سره خپل مخالفتونه هوار کړي |
ولسمشر بوش به په بروکسل کې په خپلې سترې وينا کې پر گوت نيونکو غږ وکړي چې د امريکا او اروپا ترمنځ د يوه نوي پېر په رغولو کي ورسره مرسته وکړي. ښاغلى بوش چې اروپا ته د پنځو ورځو په سفر دى پر دې هم ټينگار وکړي چې هغه لنډ مهاله درزونه به د امريکا او اورپا ترمنځ اړيکي ورانې نه کړي ، چې دعراق پر سر جگړې له امله ددوى تر منځ را ټوکيدلي دي. ښاغلى بوش به د نورو اروپايي هېوادونو د مشرانو تر څنگ د فرانسې د ولسمشر ژاک شيرک، د جرمني چانسلر گيرهارد شرويډر او د روسيې له ولسمشر ولادي مير پوتين سره وگوري. نوموړو هېوادونو د عراق سره د جگړې پر سر د امريکا د تگ لارو مخالفت کړى وو. اروپا ته ښاغلى بوش ددې لپاره نه دى راغلى چې د اقتصاد په اړه ليکچر ورکړي بلکه د سفر اصلي موخه يې دا ده چې د هواد بدلون په اړه به د اروپايانو پر انديښنو او په نړۍ کې د خوار ځواکۍ د لږولو دلاروچارو پر موندلو وغږيږي. | 
دا پاڼه کوم ملگري ته ولېږئ
چاپي بڼه