د امريکا ولسمشر جورج بوش چې په اروپا کې دى د خپلې وينا په ترڅ کې يې وويل چې د امريکا اصلي هدف د اسراييل اوفلسطين تر منځ سولې ته رسيدل دي. ښاغلي بوش د ناټواو اروپايي اتحاديې مشرانو ته وويل چې په نړې کې د سولې او ښيرازۍ د راوستلو لپاره د امريکا او اروپا ترمنځ پياوړې ملگرتيا ډيره مهمه ده ښاغلي بوش وويل چې د امريکا او اروپا ترمنځ د عراق د جگړې پر سر راټوکيدلي اختلافونه بايد يوې خوا ته شي او د ترهگرۍ پر ضد جگړه او په نړۍ کې دد يموکراسۍ دخپرولو لپاره بايد گډې هلي ځلي وکړي. ښاغلي بوش همدا راز د اقليم د بدلون د ننگونو او چيلنجونو د هوارولو لپاره هم د کوټلو گامونو د اوچتولو غوښتنه وکړه او وويل چې د کيو ټو پر تړون را ټوکيدلې اختلافونه بايد شا ته پريږدي او د نوي ټکنالوجۍ له لاري دا لانجه هواره شي.
| 
دا پاڼه کوم ملگري ته ولېږئ
چاپي بڼه
