چارواکې اوس هم د خلکو د ژغورني هڅه کوي

دپاکستان ولسمشر پرويز مشرف د بلوچستان ايالت هغې سيمې ته ورغلى چې شاو خوا درېش زره کسان پکې د اوبو د يوۀ بند د ماتېدو له امله رامنځته شويو سيلاوونو بې کوره کړې دي.

د شاديکور په نامه د اوبو د يوۀ بند د ماتيدو له امله د رامنځته شوي وراني تر ټولو ډېر زور د پسني پر ښارگوټي پرېوتى دى.

لږ تر لږه د اتيا کسانو د مړيني پخلى شوى دى او گڼ شمېر نور لا تري تم دي. ښاغلي مشرف ځپل شويو کسانو ته د تاوان د ورکړې ژمنه وکړه.

نوموړي د پوځ هلې ځلې وستايلې چې څه باندې پنځلس سوه کسان يې له اوبو را ويستلي دي.