چارواکيو د څه باندې اتيا کسانود مړه کېدو پخلى کړى دى

په افغانستان کې د سړې هوا او پرله پسې ورښتونو له امله د لسگونو کسانو د وژل کېدو ريپوټه ورکړل شوي دي.

واورو گڼو کليو ته د تگ راتگ لارې تړلې دي. افغان چارواکيو د څه باندې اتيا کسانو، چې پکې کوچينان هم راځي، د مړه کېدو پخلى کړى دى.

په يوۀ ريپوټ کې راغلي چې شپږ کسان هله ووژل شول چې د کابل مزار پر لويه لارې يې پر موټر د واورو کمر را وښويده.

د ننگرهار په خوگياڼو کې له يخنۍ نه د څه باندې لسو کوچنيانو د مړه کېدو خبره شوې ده.

له پکتيا ولايت نه راپورونه وايي چې پر سيمه د لگېدلې سړې څپې له امله چې په ډېرو کلونو کې بې سارې گڼل شوې، يو شمېر کسان مړه شوي دي.

چارواکي وايي په ورستيو درې ورځو کې د واورو او يخنۍ له امله د ولايت په بېلا بېلو برخو کې لږ تر لږه پنځلس کسان مړه شوي دي.