 |  دا پروگرام په ٢٠٠٣ کال کې پيل شوى وو |
د افغانستان لپاره د ملگرو ملتونو د مرستندويه ادارې يوناما او د بي وسلې کولو او ملکي کولو په تړاو د دغه هېواد د نوي پيل د پروگرام د ادارې چارواکي وايي چې د ٢٠٠٥ کال د جون تر مياشتې به په دغه هيواد کې ټولې مليشې بې وسلې شي او د سيمه ييزه قوماندانانو په واک کې شته درنې وسلې به هم راټولي شي .دغه پروگرام د ٢٠٠٣ کال په اوړي کې پيل شوى و . په سر کې د مليشو ټول شمير ١٠٠ زره اټکل شوى وو، خو وروسته معلومه شوه چې د مليشو اصلي شمير ٥٠ زره وو او اوس ايله له دولس زره مليشو سره وسلې پاتي دي . ها خوا د درنو وسلو د راټولولو په ترڅ کې هم څه د پاسه اته زره ميله وسلې راتولي شوي دي ، خو درنو واورو له پنجشير نه ددغو وسلو ټولول د لږ ځنډ سره مخ کړي دى. | 
دا پاڼه کوم ملگري ته ولېږئ
چاپي بڼه