 |  ځايي چارواکي د کيميايي توکيو له شيندلو نه دي خبر |
د افغانستان د هلمند والي د نوزار ولسوالۍ ته يو پلاوى ليږلى چې هلته د دوه شپې وړاندې هغې پېښې پلټنه وکړي چې د ځايي استوگنو په وينا د الوتکو له خوا پر کروندو کيمايي درمل شيندل شوي دى . د هلمند د نوزاد ولسوالۍ خلک وايي د دغې درمل شيندنې له امله ماشومانو ته د پوټکي ناروغي پيدا شوې ، څاروي يې وژل شوي او په سيمه کې يو ډول بوى خپور شوى دى . د هلمند په ولايت کې د چارواکيو د هلو ځلو له امله د کوکنارو ډيرې کروندې ويجاړې شوي دي خو د دغۀ ولايت والي د نوزاد ولسوالۍ له دغې يادې شوې پېښې ځان گوښى کوي . | 
دا پاڼه کوم ملگري ته ولېږئ
چاپي بڼه