عراقي پوليس په کلکه د ټاکنو د مرکزنو امنيت ساتي

د ملگرو ملتونو هغه دفتر چې په بهر کې د مېشتو عراقيانو لپاره د ټاکنو چارې سمبالوي وايي د څه باندې دوه سوه او اتيا زره بهرميشتو عراقيان نومونه يې ليکلي چې غواړي د را روانې يکشنبې ورځې په ټاکنو کې برخه واخلي.

په عراق کې دننه هم چارواکي وايي چې د مخالفو ياغيانو له گواښونو سره سره ، خلک په ټاکنو کې برخه اخيستو ته ليواله دي.

بريتانوي ورځپاڼو هم په خپلو ننيو گڼو کې د عراق ټاکنو ته ډېر پام ور اړولى دى.