 |  د حکومت مخالفو د ايتلاف ، پونم ، مشري بلوڅان کوي |
د پاکستان د مشرانو د جرگې او د بلوچستان د ملي گوند غړى سنا الله بلوڅ تور لگوي چې د دۀ په وينا پنجاب او اسلام اباد په بلوچستان کې ترهه گري کوي . له بي بي سي سره په يوې مرکې کې ښاغلي بلوڅ دا تور تر هغه وروسته ولگاوۀ چې نن ( يکشنبه ) له بلوچستان څخه نور پاکستان ته د غازو ليږد د تاوتريخواليو له امله ځنډيدلى و او بلوڅانو ويل چې د دوى حقوق تر پښو لاندې شوي دي . بلوڅ سياستوال د گوادر په نوي سمندر غاړي ښارگوتي کې د مرکزي حکومت له مخامخ واک څخه هم خوښ نه دي . سنا الله بلوڅ وايي د پنجاب په پرتله بلوچستان ته د غازو عايدات خورا لږ سپارل کيږي . دى وايي که چيرې اسلام اباد د دوى خبرې وانه وري نو د دۀ په وينا دوى اړ دي چې خپل خلک منظم کړي چې بيا هم د دۀ په وينا د پنجاب د ترهه گرۍ پر ضد مبارزه وکړي . په دې وروستيو کې گڼ شمير پاکستاني نيمه پوځي ټولي او پوځيان د ناڅرگندو کسانو له خوا په نخښه شوي و چې د توغنديو په بريدونو کې يې گڼ شمير وژل شوي هم و . | 
دا پاڼه کوم ملگري ته ولېږئ
چاپي بڼه