 |  هلمند په افغانستان کې د کوکنارو د کرکيلې لوى مرکز و |
د هلمند والي شير محمد اخوند بي بي سي سره په خبرو کې ويلي دي چې په خپل ولايت کې به له دې وروسته يوه لوېشت خاوره هم د کوکنارو کرکيلې ته پرې نه ږدي .ښاغلي اخوند وويل دوى په دغۀ ولايت کې ٣٠ زره جريبه مځکه له کوکنارو پاکه کړې ده . دا چاره تر هغه وروسته وشوه چې دغلته بزگرانو ته د ٢٠ ورځو وخت ورکړل شوى و چې د کوکنارو له کرکيلې لاس واخلي که نه نو له قانون سره سم به سزا ورکړي . د هلمند والي وويل دوى نهو زرو کسانو ته له دولتي اداري چوکاټه دباندې کار ورکړى دى . هلمند د افغانستان يو له هغو ولايتونو څخه دى چې د کوکنارو کرکيلې پکې خورا زياته ده . ښاغلى اخوند وايي دى به د هلمند په ولايت کې د مخدره توکيو قاچاق ته هم اجازه ورنه کړي . | 
دا پاڼه کوم ملگري ته ولېږئ
چاپي بڼه