 |  ددغه ښار اوسيدونكي وايي چې په دې درې ورځو كې كې توليدي فابريكې له كاره پاتې دي |
مزار شريف چې د هيواد په شمال كې تر ټولو ستر صنعتي ښار دى له درې ورځو راهيسې د بريښنا د نشتوالي له امله ډيرې شخصي او دولتي پابريكې له توليده پاتي دي چې د كاركونكو په وينا يې كار په زياتره پابريكو كې په ټپه ولاړ دى ، خو د مزار شريف عام ښاريان بيا له دولت غوښتنه كوي چې د بريښنا ستونزه يې ژر تر ژره له ګاونډي ازبكستان سره اواره كړى. ددغه ښار دوه تنه اوسيدونكى ګلبدين او ذبيح اله رشيدي وايي چې د سوون توكي ډير قيمته دي او دوى ددې وس نه لري چې په دې ساړه ژمي كې دغه توكي برابر كړي. مزار شريف ته له ګاونډي ازبكستان څخه بريښنا د يو تړون په ترڅ كې چې د دواړو هيوادونو تر منځ لاسليك شوى وو راغزول شوې وه چې اوس د بريښنا چارواكي وايي چې د نوموړي تړون نيټه پاى ته رسيدلي نو له كبله يې ګاونډى هيواد اړ شوو چې بريښنا قطع كړى. د بلخ ولايت د بريښنا ريس انجينر محمد ناصر وايي چې د ازبكستان هيواد ورته ويلي دي چې تر هغه به بريښنا د مزار شريف پر ښار بنده وي چې د دواړو هيوادونو تر منځ نوى تړون نه وي لاسليك شوى او زياتو ي چې په دې اړه د بلخ والي عطا محمد نور د افغانستان د انرژى له وزير تورن محمد اسماعيل خان سره غږيدلى دى او هغه ژمنه كړې چې د ازبكستان له سفير سره به يې په كابل كې ډير ژر ستونزه اواروي. افغانستان د ۲۰۰۳م ميلادي كال له اكتوبر څخه بيا د تير ميلادي كال د وروستۍ مياشتې پورې له درې مليونه او يوسلو لس زرو امريكايي ډالرو څخه زياتې پيسې نوموړي هيواد ته د بريښنا به بدل كې ورليږ دولي او هيڅ پور يې پر افغانستان نه دى پاتې. | 
دا پاڼه کوم ملگري ته ولېږئ
چاپي بڼه