د هند او پاکستان

د هند او پاکستان لومړي وزيران

لومړيو وزيرانو من موهن سنگ او شوکت عزيز د کشمير د ستونزمنې مسالې په گډون، گڼې خپلمنځي موضوعگانې په ډيلي کې د خبرو پر مهال څېړلي دي.

ښاغلي عزيز دا خبرې "تودې او د ملگرتابه" وبللې او او ويې ويل چې ښايي پرمختگ په يوه وخت کې د ډېرو موضوعگانو په برخه کې ترسره شي.

خو د پاکستان لومړي وزير ومنله چې د کشمير پر موضوع يې له ځانه سره کوم نوى وړاتديز ندى راوړى.

ده په دې خبره تاکيد وکړ چې پاکستان هندوستان سره سوله غواړي
هندوستان وايي چې کشمير پاکستان سره د جړو يو ټکى دى او پکار ده چې ټولې مسلې په يو وخت حل شي.

په هندوستان کې د بي بي سي خبريال وايي که څه هم په دوه ورځني سفر کې زياتې خبرې شوي دي خو په لږ څه باندې موافقه شوې ده

ددې نه وړاندې د هند د بهرنېو چارو وزير نتوار سېنگ سره ليدلي دي هندي چارواکو داخبرې دوستان او مثبتې بللې دي.

د پاکستان لومړي وزير دغه راز د کشمېر بيلتون غوښتونکو مشرانو سره هم کتلي دي