حکومت له دې امه ډيرو نيوکو لاندې دى چې د سولې سره يوځاى کېدونکو خونديتوب لپاره ډير څه نه کوي
د افغانستان په بدخشان ولايت کې د سولې د شورا چارواکو بي بي سي ته ويلي چې د سولې له بهير سره د يوځاى کېدونکو کسانو تر ټولو لويه ستونزه د دوى د امنيت ساتل دي.
له تيرو څو کالو څخه په افغانستان کې د سولې په نامه هڅې روانې دي، په ځانگړې توگه له کله نه چې د سولې عالي شورا جوړ شوې ده د حکومت له خوا په دې لړ کې هڅې "گټورې" بلل کيږي.
خو له دې سره په خوا کې په دې بهير نيوکې هم شته. په نړيواله کچه په ځانگړې توگه د لويديځ په ځينو کړيو کې د بهرنيو پوځيانو د وتلو له ضرب الاجل نه وړاندې د دې غوښتنه کيږي چې د سولې هڅې گړندۍ کړي او شرطونه ترې ليرې کړي.
د افغانستان دننه د سولې شورا کار د څو مشرانو اوچارواکو د وژل کېدو له امله له ډيرو ستونزو سره مخامخ شوى دى
هغه کسان چې د سولې له بهير سره يوځاى شوي شکايت کوي چې د هغوى خونديتوب ته پام نه کيږي.
د ډيرو په اند دا د باور او اعتماد نشتوالى دى چې د سولې هڅې يې نيمگړې کړې دي.
ستاسو غږ له تاسو اوري چې د سولې پر بهير د باور او اعتماد پيدا کولو لپاره بايد څه وشي؟
که په پروگرام کې برخه اخيستل غواړئ د پنج شنبې د ماښامنۍ
خپرونې پرمهال په : ۰۰۴۴۲۰۷۴۳۶۰۹۱۹ ما عنا يت الحق ياسيني ته زنگ راووهئ.
د لنډ تيلې فوني پيغام يا ايس ايم ايس لپاره دا شمېره وکاروئ۰۰۴۴۷۷۸۶۲۰۸۸۸۸ دغه راز په فيس بک، ټويټر هم خپل نظرونه پرېښودلى او پهPashto@bbc.co.ukراستولى شئ
له موږ سره اړيکه ټينگه کړئ
* اړينې برخې په نخښه کوي
