تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
امریکا ته د رسېدو په هڅه کې مکسيکو کې اېسار افغانان
کله چې مياشتې د پاسه دوه کاله مخکې طالبانو افغانستان کې پر واګو ولکه وکړه، امريکا لسګونه زره افغانان د دوی خونديتابه په موخه له دغه هېواده وايستل. خو ډېر نور یې تر شا پرېښودل شول.
دې افغانانو اوس امريکا ته د رسېدو په موخه لا ډېرو خطرناکو لارو ته مخه کړې ده.
يوه لار یې له برازيله تېرېږي، چې خطر سره مخامخ افغانانو لپاره یې د بشري خواخوږۍ ۱۱ زره ويزې ورکړې دي.
د بي بي سي خبرياله لېر وېنټاس له امريکا سره پر پوله د مکسیکو ټيهوانا ته ورغلې، چې زياتېدونکی شمېر افغانان امريکا ته د وراوښتو په نيت په ورسېدو دي.
