تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د افغانستان د پنبې ساړه بازار ګرمولو ته د بنګلهدېش لېوالتیا
د طالبانو حکومت د صنعت او سوداګرۍ وزارت وايي، د بنګلهدېش د سوداګرۍ له مرستیال سره یې د دواړو هېوادونو ترمنځ پر سوداګریزې معاملې خبرې وکړې او د بنګله دېش د البسې تولید او صادراتو ټولنې د افغانستان د پنبې پېرلو لپاره لېوالتیا ښودلې. طالبانو بنګلهدېش د افغانستان د کرنیزو محصولاتو، په تېره د پنبې او وچې مېوې لپاره غوره مارکېټ بللی دی.
د افغانستان د صنعت او سوداګرۍ وزارت مرستیال احمدالله زاهد بيبيسي ته ویلي، د بنګلهدېش د سوداګرۍ له مرستیال سره یې د دواړو هېوادونو ترمنځ پر سوداګریزې معاملې خبرې وکړې.
پنبه د بنګلهدېش د جامو د صنعت تر ټولو مهم خام مواد دي. د نړیوالو شمېرو له مخې، د بنګلهدېش د جامو له ۷۰ سلنې ډېر صادرات د پنبې پر بنسټ تولید شوي محصولات دي.
