د بریتانیا سیمه‌ییزو ټاکنو کې د کارګر ګوند بریا؛ صادق خان د درېیم ځل لپاره د لندن ښاروال شو

د بريتانيا په سيمه ييزو ټاکنو کې د بريتانيا د کارګر ګوند په بريا سره د لندن ښاروال او د دغه ګوند غړی صادق خان د درېيمې دورې لپاره د لندن ښاروال پاتې شو او په ورته وخت کې د دغه ګوند مشر شو. لومړنۍ عمومي ټاکنې ښايي د روان کال په دویمه نیمایي کې ترسره شي.

۵۳ کلن خان د محافظه‌کارانو ګوند کې له توري سیال سوزن هال سره سیالي کوله، او محافظه‌کارانو هیله لرله چې له ۲۰۱۶ راهیسې د لومړي ځل لپاره له کارګر ګونده د بریتانیا د پلازمېنې د ښاروالۍ ټاکنې وګټي.

د ښاروال د ټاکنو په سیالیو کې د کارګر ګوند وکولای شول چې د انګلستان له ۱۱ سیمو څخه په ۱۰ کې ټاکنې وګټي.

په لندن کې صادق خان د ۲۰۲۱ کال د ټاکنو پرتله ۴۴ سلنه رایې ګټلې وې او ډېر بریالی و.

هغه خپلو مینه والو ته وویل: "زه ویاړم چې د دریم ځل لپاره وټاکل شوم."

د ښاري شوراګانو په ټاکنو کې، د لومړي وزیر ریشي سوناک په مشرۍ د بریتانیا محافظه کار ګوند د نژدې ۵۰۰ څوکیو له لاسه ورکولو سره له درنې ماتې سره مخ شو او د رایو په شمېر کې درېیم راغلی.

د کارګر مشر کیر سټارمر وویل: "په ټول هېواد کې خلک په کافي اندازه د محافظه‌کار ګوند د ګډوډۍ او زوال شاهدان وو او له کارګر ګوند سره یې بدلون ته رایه ورکړه."

هغه پایلې "حیرانوونکې" او "له تمې بهر" وبللې.

د کارګر مشر د بلیک پول جنوبي او نورو حلقو ګټلو وروسته د عمومي ټاکنو غوښتنه کړې.

کارګر له ۲۰۱۰ راهیسې په انګلستان کې واک نه لري او د ۲۰۱۹ په وروستیو عمومي ټاکنو کې د محافظه کار ګوند غړي بورس جانسن ماتې وخوړه.

د بریتانیا لومړي وزیر ریشي سونک باید د راتلونکي کال د جنورۍ تر ۲۸ پورې د عمومي ټاکنو امر وکړي او ویلي یې دي چې پلان لري د ۲۰۲۴ په دویمه نیمایي کې ترسره کړي.

د ښاري شوراګانو په ټاکنو کې تر اوسه له ۱۰۷ حوزو د ۱۰۶ حوزو رايې شمېرل شوي دي. په هره حوزه کې څو څوکۍ شاملې دي.

په داسې حال کې چې یوازې د یوې ټاکنیزې حوزې پایلې باید اعلان شي، کارګر ګوند ۱۱۴۰ څوکۍ ګټلي او مخکښ دی.

لیبرال دیموکرات ګوند د ۵۲۱ څوکیو سره په دویم ځای کې دی او محافظه کاران د ۵۱۳ څوکیو په لرلو سره په درېیم ځای کې دي چې په دې ټاکنو کې یې تر ۴۷۰ ډېرې څوکۍ له لاسه ورکړې دي.

په انګلستان او ویلز کې د شوراګانو او ښاروالیو سیمه ییزې ټاکنې د پنجشنبې په ورځ (د ثور ۱۳مه) ترسره شوې، چې د بریتانیا له عمومي ټاکنو مخکې وروستۍ سیمه‌ییزې ټاکنې وې.

رایه اچونه د انګلستان د ۱۰۷ ښاري شوراګانو برخلیک ټاکي او د لندن د ښاروال په ګډون د ۱۱ ښاروالانو ترمنځ د سیالۍ پایله وه. دغه راز په انګلستان او ویلز کې د ۳۷ ناحیو د پولیسو مشران هم د دې رایو له لارې ټاکل کېږي.