افغان لوبډلې د پاکستان خلاف له بریا سره کوم ریکارډونه جوړ کړل؟

افغان لوبډلې د لوبو په ډګر کې د پاکستان خلاف له بریا سره د افغان مینه والو یو ارمان پوره کړ. یوازې ارمان نه بلکې په دغې بریا افغانانو پراخې خوښۍ وکړې، د افغانستان او نړۍ له بېلابېلو ښارونو د اتڼونو، نمانځنو او خوښیو وېډيوګانې خپرېږي او که مبالغه ونه شي، ښايي کم افغانان به وي چې ټولنیزې رسنۍ کاروي او پر هغې یې خپله خوښي نه وي څرګنده کړې.

دا خوښۍ د اکتوبر په ۲۳مه د نړیوال جام په چوکاټ کې د افغان لوبډلې په لاس د اتو وېکټو په لوی توپیر د پاکستان له ماتولو وروسته څرګندیږي چې تر ډېره به یادیږي.

د پاکستان خلاف دا عادي بریا هم نه ده بلکې افغانستان په دې "یو طرفه" لوبه کې، پخپلې تاریخي بریا څو ریکارډونه هم پخپل نوم کړل.

له دې وړاندې دواړه لوبډلې ۷ ځلې په پنځوس اوریزه لوبو کې سره مخ شوې او ټولې لوبې پاکستان ګټلې وې.

افغانستان له دې وړاندې په کال ۲۰۱۴م کې د متحده عربي امارتو د اتو وېکټو پر زیان ۲۷۴ منډو بدل کې ۲۷۶ منډې تر لاسه کړې وې، خو له نږدې یوې لسیزې وروسته یې ان ۲۸۳ منډې پوره کړې هغه هم د پاکستان خلاف.

له دې وړاندې افغانستان د ۲۰۱۵م نړیوال جام کې د سکاټلنډ خلاف یوه لوبه ګټلې وه، په ۲۰۱۹م کال کې تش لاس هېواد ته ستانه شوې وه او دا ځل یې له انګلنډ وروسته پاکستان هم مات کړ.

په دې مانا چې، دا په نړیوالو جامونو کې له شلو لوبو درې بریاوې او په یوه نړیوال جام کې دویمه بریا شوه.

د افغانستان توپ وهنه ښه شوې؟

د افغانستان او پاکستان تر منځ په ترسره شوې لوبه کې افغان لوبډله له هره اړخه غښتلي وه خو فکر کېږي چې د بریا ویاړ یې د با مسولیته ښې توپ وهنې له کبله تر لاسه کړ چې ورسره یې ګڼ ریکارډونه پخپل نوم کړل.

د پاکستان خلاف دغې لوبه کې د افغانستان ابراهیم ځدراڼ د خپلو لوبغاړو له منځه لومړۍ او په نړیواله کچه دریم داسې لوبغاړي ویاړ هم خپل کړ چې چټکې زر منډې پوره کوي.

نوموړي په خپلو ۲۴ لوبو خپلې مجموعي منډې تر ۱۰۴۷ رسولي له دې مخکې د هند ویرات کولي او د سویلي افریقا هاشم املا په ۲۴ لوبو کې د چټکو زر منډو جوړولو ریکارډ درلود.

په ۲۰۱۱ دغې لوبه کې چې په احمد اباد کې کېده ورو بالرانو ۳۹ اورونه کړې وو.

ريکارډونه ماتیږي او تل بدلېږي را بدلېږي خو هغه څه چې مهم دي له ګڼو ماتو او اوږده انتظار وروسته د پاکستان پر وړاندې دومره سترو سیالیو کې د افغان لوبډلې بریا ده چې هر افغان یې خوشحاله کړی.

د کرېکټ نړیوالې شورا د اعلان له مخې په نړیوال جام کې له هرې بریا سره کامیابه لوبډله ۴۰ زره ډالره انعام تر لاسه کوي، دې ته په کتو افغان لوبډلې له نړیوال جامه تر دې دمه د نورو شخصي انعامونو او فیسونو تر څنګ ۸۰ زره ډالره جایزې ګټلي.

لومړۍ څلوېښت زره د انګلنډ خلاف او بیا ورپسې د پاکستان خلاف له سترې بریا سره او ممکن مخکې څو نورې جایزې