आईसीसी विश्वकप लीग-२: यूएईविरुद्ध रोमाञ्चक जितसँगै नेपाल विश्वकप क्वालिफायरमा
तस्बिर स्रोत, RSS
- Author, निरञ्जन राजवंशी
- Role, काठमाण्डू
अत्यन्तै रोमाञ्चक खेलमा नेपालले डक वर्थ लुइस प्रणाली (डीएल) को आधारमा यूएईलाई ९ रनले पराजित गरेको छ।
४४ ओभरको खेलको समाप्तिपछि खराब प्रकाशका कारण खेल सञ्चालन गर्न नसक्ने भएपछि अम्पायरद्वयले खेल सकिएको घोषणा गरेका थिए।
खेल रोकिएको बेला नेपाललाई ३६ बलमा ४२ रनको आवश्यकता थियो।
त्यतिबेला नेपाल ६ विकेटको क्षतिमा २६९ रन बनाएर खेलिरहेको थियो।
तर डीएलमा नेपाल अगाडि पुगिसकेको थियो।
रोमाञ्चक खेल
कीर्तिपुर क्रिकेट मैदानमा भएको एकदिवसीय अन्तर्राष्ट्रिय क्रिकेटमध्येको यो अति रोचक खेलमा पर्दछ।
फराकिलो रन पछ्याउने क्रममा आकाश बादलले ढाकिन थालेपछि दुवै टोली डीएल लक्ष्य हेर्दै रणनीतिक रूपमा खेलिरहेका थिए।
यो लेखमा X बाट प्राप्त सामग्री समाविष्ट छ। यहाँ केही लोड हुनुअघि हामी तपाईँसँग अनुमति माग्छौँ किनभने तिनले कुकीज र अन्य प्रविधि प्रयोग गरेका हुनसक्छन्। स्वीकृति दिनुअघि तपाईँ X cookie policy र पढ्न सक्नुहुन्छ। यो सामग्री हेर्नका लागि 'स्वीकार छ, अगाडि बढौँ' छान्नुहोस्।
X पोस्ट समाप्त, 1
बीचमा केही बेर पानीले हल्का मैदान पनि भिज्यो। तर पानी नपरेपछि खेललाई निरन्तरता दिइएको थियो।
त्यतिबेला खेल रोकिएको भए डीएलमा नेपाल पराजित हुने थियो।
त्यसपछि ४२औँ ओभरमा गुलशन झाले तीन चौका र एक छक्काको मदतले २० रन जोडेपछि डीएलमा नेपालको स्थिति एकाएक सुधारियो।
र जब खराब प्रकाशले खेल हुन सकेन। नेपालले जित हात पारिसकेको थियो।
खेल सकिएको घोषणा गर्दा यूएईका खेलाडीहरूले भने अम्पायरसँग विमति जनाएका थिए।
पछि यूएई र नेपाली टोलीका खेलाडीले हात मिलाएका थिए।
यो जितसँगै आईसीसी विश्वकप लीग-२ को तेस्रो स्थानमा उक्लिँदै नेपाली राष्ट्रिय क्रिकेट टोली विश्वकपको ग्लोबल क्वालिफायरमा सिधै छनोट भएको छ।
बिहीवार यूएईलाई एक रोमाञ्चक खेलमा पराजित गरेपछि नेपालले सो उपलब्धि हात पारेको हो।
नेपालले एकदिवसीय अन्तर्राष्ट्रियमा अहिलेसम्मकै उच्च स्कोर पछ्याएको हो।
यसअघि कीर्तिपुर मैदानमा एक महिनाअगाडि नेपालले नामिबियाविरुद्ध २८६ रन पछ्याएको थियो।
यो लेखमा X बाट प्राप्त सामग्री समाविष्ट छ। यहाँ केही लोड हुनुअघि हामी तपाईँसँग अनुमति माग्छौँ किनभने तिनले कुकीज र अन्य प्रविधि प्रयोग गरेका हुनसक्छन्। स्वीकृति दिनुअघि तपाईँ X cookie policy र पढ्न सक्नुहुन्छ। यो सामग्री हेर्नका लागि 'स्वीकार छ, अगाडि बढौँ' छान्नुहोस्।
X पोस्ट समाप्त, 2
जितसँगै नेपालको अङ्क ४० पुगेको छ। ३९ अङ्कका साथ तेस्रो स्थानमा बसिरहेको नामिबिया भने चौथो स्थानमा रहँदै प्ले अफ क्वालिफायरमा झरेको छ।
टस जितेर पहिलो ब्याटिङ रोजेको यूएईले पूरा ओभर खेलेर ६ विकेटको क्षतिमा ३१० रन जोडेको थियो।
नेपालको इनिङ्स
तस्बिर स्रोत, CAN
विशाल रन पछ्याउन आएको नेपालले खराब सुरुआत गर्यो। इनिङको तेस्रो बलमा नै ओपनर आशिफ शेख खाता नखोली आउट हुन पुगे।
दोस्रो बलको सामना गर्ने क्रममा अगाडि बढेर खेल्न खोज्दा उनी स्टम्पिङ हुन पुगेका थिए। उनको स्थानमा आएका कुशल मल्ल पनि दोस्रो ओभरको तेस्रो बलमा आउट भए।
पाँच बलको सामना गरेका उनले एक चौकाको मद्दतमा ५ रन मात्र बनाउन सके। त्यसपछि गहन जिम्मेवारीका साथ कप्तान रोहित पौडेल इनिङ सम्हाल्न आएका थिए।
तर उनी पनि लामो समय टिक्न सकेनन्। सातौँ ओभरमा उनी १६ रन बनाएर पवेलियन फर्किए। यति बेला नेपालले ३७ रनमा तीन खेलाडी गुमाइसकेको थियो।
त्यसपछि भीम सार्कीले महत्त्वपूर्ण रूपमा ६७ रन जोडेर नेपाली पारी उकासेका थिए। जुनेद सिद्दीकीको बलमा एलबीडब्लू आउट हुनुअगाडि उनले नौ चौका प्रहार गरे।
यो लेखमा X बाट प्राप्त सामग्री समाविष्ट छ। यहाँ केही लोड हुनुअघि हामी तपाईँसँग अनुमति माग्छौँ किनभने तिनले कुकीज र अन्य प्रविधि प्रयोग गरेका हुनसक्छन्। स्वीकृति दिनुअघि तपाईँ X cookie policy र पढ्न सक्नुहुन्छ। यो सामग्री हेर्नका लागि 'स्वीकार छ, अगाडि बढौँ' छान्नुहोस्।
X पोस्ट समाप्त, 3
सार्कीले आरिफ शेखसँग मिलेर पाँचौँ विकेटका लागि ८३ रनको साझेदारी गरे। धैर्यपूर्ण रूपमा क्रिजमा टिकेका आरिफले अर्ध शतक पूरा गरे।
वर्षाका कारण डक वर्थ लुइसको लक्ष्य पूरा गर्ने क्रममा ठूलो शट् खेल्दा उनी ५२ रनमा आउट भएका थिए।
यूएईको समेत शानदार ब्याटिङ
बिहीवार नेपालका लागि ३१० रनको लक्ष्य प्रस्तुत गरेको यूएईलाई चार दिनअगाडि मात्र नेपालले यही मैदानमा यूएईलाई ७१ रनमा अल आउट गरेको थियो।
जुन यूएईको इतिहासको दोस्रो न्यून स्कोर थियो।
तस्बिर स्रोत, CAN
कीर्तिपुर मैदानमा खचाखच भरिएको दर्शकहरू माझ यूएईका खेलाडीहरूले छक्काको वर्षा नै गरे।
५० ओभरमा यूएईका खेलाडीहरूले कुल १९ छक्का प्रहार गरेका थिए।
आसिफ खानले ४१ बलमा शतक प्रहार गरे। जुन घरेलु मैदानबाहिर सबैभन्दा कम बलमा बनेको शतकको कीर्तिमान हो।
उनी सर्वाधिक छिटो शतक हान्ने चौथा खेलाडी पनि बने।
१०१ रन बनाएका खान एक्लैले ११ छक्का प्रहार गरे। जसमा उनले सन्दीप लामिछानेलाई एक ओभरमा लगातार ४ छक्का प्रहार गरेका थिए।
ओपनरका रूपमा आएका वृत्य अरविन्द अन्तिम बलसम्म खेले। अन्तिम बलमा शतक हान्ने धुनमा उनी ९४ रनमा आउट भएका थिए।
त्यसअघि कप्तान मोहम्मद वासिमले ६३ रनको पारी खेलेका थिए।
नेपालको बलिङ
खेलको दोस्रो ओभरको पाँचौँ बलमा स्पिनर ललित नारायण राजवंशीले आर्यन लाक्राको विकेट लिँदै नेपाललाई गतिलो सुरुआत दिलाएका थिए।
त्यसपछि कप्तान मोहम्मद वासिम र भ्रित्या अरविन्दले सम्हालिएर ब्याटिङ गर्दै आफ्नो टोलीलाई स्थिर बनाए।
यो लेखमा X बाट प्राप्त सामग्री समाविष्ट छ। यहाँ केही लोड हुनुअघि हामी तपाईँसँग अनुमति माग्छौँ किनभने तिनले कुकीज र अन्य प्रविधि प्रयोग गरेका हुनसक्छन्। स्वीकृति दिनुअघि तपाईँ X cookie policy र पढ्न सक्नुहुन्छ। यो सामग्री हेर्नका लागि 'स्वीकार छ, अगाडि बढौँ' छान्नुहोस्।
X पोस्ट समाप्त, 4
यी दुईले मिलेर दोस्रो विकेटका लागि ७९ रनको बलियो साझेदारी गरेका थिए। उक्त साझेदारीलाई सन्दीप लामिछानेले तोडे।
लामिछानेले ६३ रन बनाएर आक्रामक पारी खेल्दै गरेका वासिमलाई एलबीडब्लूको धरापमा पारेका थिए। वासिमले ६ छक्का प्रहार गर्न भ्याए। त्यसपछि सीपी रिजवान ७ रनमा रन आउट भए।
तस्बिर स्रोत, CAN
यूएईका अर्का भरपर्दा खेलाडी आयान खान दीपेन्द्र सिंह ऐरीको बलमा क्याच आउट भएका थिए। उक्त क्याच गुलशन झाले लिएका थिए।
नेपालमा निकै चर्चा कमाइरहेका रोहन मुस्तफा (२० रन)लाई पनि ऐरीले नै एलबीडब्लूको सिकार बनाएका थिए।
तर अर्को एन्डमा अरविन्दले पारीलाई निरन्तर सम्हालिरहे भने उनलाई आसिफ खानले दरिलो साथ दिए।
यी दुईले छैटौँ विकेटका लागि १३५ रनको शानदार साझेदारी गरेका थिए।
अरविन्दले आठ चौका र दुई छक्का प्रहार गरे। सोमपाल कामीले गरेको बलमा छक्का प्रहार गर्न खोज्दा दीपेन्द्र सिंह ऐरीले अरविन्दलाई क्याच आउट गर्न सहयोगी भूमिका निर्वाह गरेका थिए।
नेपालका लागि लामिछाने सबैभन्दा महँगो बलर साबित भए। १० ओभर बलिङ गर्दा उनले ८० रन खाए। उनीपछि सोमपाल कामीले नौ ओभरमा ७४ रन खाएका थिए।
नेपालले टोलीमा कुनै परिवर्तन गरेको थिएन। अघिल्लो खेलमा जस्तै ज्ञानेन्द्र मल्ल, करण केसी र प्रतिश जिसी टिममा समावेश गरिएको थिएन।
