घोषणासभामा ओली र प्रचण्डका उल्लेख्य पाँच बोली
तस्बिर स्रोत, RSS
एमाले र माओवादी केन्द्र औपचारिक रूपमा मिलेर एकीकृत पार्टी बनेपछि उक्त दलका शीर्ष नेताहरूले एकतासँगै मुलुकमा नयाँ युगको थालनी भएको टिप्पणी गरेका छन्।
अध्यक्षद्वय केपी ओली र पु्ष्पकमल दाहाल 'प्रचण्ड'ले एकता कसैप्रति लक्षित नरहेको भन्दै घरेलु तथा बाह्य शक्तिहरूलाई आश्वस्त पार्ने प्रयत्न गरेका थिए।
बिहीवार राजधानीमा आयोजित एकता घोषणासभामा झलनाथ खनालबाहेक दुवै पक्षका शीर्षस्थ नेताहरू र कार्यकर्ताहरू उपस्थित थिए।
पार्टीको नयाँ मर्यादाक्रममा अध्यक्षद्य ओली र दाहालपछि माधवकुमार नेपालसँगै वरिष्ठ नेताका रूपमा राखिएका खनाल चीनको भ्रमणमा गएकाले उपस्थित हुननसकेको एक नेताले जानकारी दिएका छन्।
ओलीले के भने?
- अब दुईतिहाइ कम्युनिस्टका लागि जोडघटाउ हो, आउँदो चुनावमा तीनचौथाइको लक्ष्य
- एकीकृत पार्टी टेम्पो चलाएजस्तो होइन, जेट चलाएजस्तो हो र त्यहाँ दुई पाइलट हुन्छन्
- हामी मिसिएकामात्रै होइन अन्तर्घुलित भएका हौँ
- कम्युनिस्ट फुट अब इतिहासमा सीमित
- कांग्रेस वैधानिक रूपमा प्रतिपक्ष रहोस् तर उसले सरकारलाई गुण र दोषका आधारमा सहयोग गरोस्
तस्बिर स्रोत, RSS
प्रचण्डले के भने?
- एकता कसैविरुद्ध लक्षित छैन, जनआकाङ्क्षा सम्बोधन गर्ने इमान्दार प्रयास
- अस्थिरताको भुमरीको युग सकियो, नयाँ युग सुरु भयो
- कम्युनिस्टहरू पनि स्लखन, त्यो बदल्ने संकल्प गरौँ
- अब छुट्याउनै नमिल्ने यौगिक बन्यौँ
- एकता महान छलाङ हो
