मध्यपूर्वमा लडाइँ हुँदा त्रिभुवन अन्तर्राष्ट्रिय विमानस्थलमा उडान प्रभावित
तस्बिर स्रोत, Reuter
मध्यपूर्वमा जारी तनावबीच काठमाण्डूस्थित त्रिभुवन अन्तर्राष्ट्रिय विमानस्थलमा कैयौँ अन्तर्राष्ट्रिय उडानहरू रद्द भएका वा उडानको समय हेरफेर भएको अधिकारीहरूले बताएका छन्।
विमानस्थल कार्यालयले आइतवार एउटा सूचना जारी गर्दै उडानबारे अद्यावधिक जानकारी लिएर मात्र निस्कन यात्रुहरूलाई अनुरोध गरेको छ।
“यात्रुहरूलाई विमानस्थलतर्फ प्रस्थान गर्नुअघि विमान सेवा कम्पनीहरूसँग उडानको पछिल्लो अवस्था अनिवार्य रूपमा पुष्टि गर्न अनुरोध गरिन्छ,” सूचनामा भनिएको छ।
“विमानस्थलले यात्रु व्यवस्थापनलाई सहज र प्रभावकारी बनाउन एअरलाइन्स तथा सम्बन्धित निकायहरूसँग नजिकबाट समन्वय गरिरहेको छ।”
