६ दलले 'राष्ट्रिय पार्टी'को मान्यता पाउने सङ्केत
प्रतिनिधिसभा निर्वाचनको सम्पूर्ण मतपरिणाम अन्तिम चरणमा पुगेको छ।
समानुपातिक प्रणालीतर्फ पनि १ करोड ९ लाखमध्ये १ करोड ६ लाखभन्दा बढी मतगणना सकिएको निर्वाचन आयोगले जनाएको छ।
प्रत्यक्ष प्रणालीतर्फ १२५ सीट जितेको राष्ट्रिय स्वतन्त्र पार्टीले समानुपातिक प्रणालीतर्फ ५० लाखभन्दा बढी मत पाएको छ।
निर्वाचन आयोगले विवादका कारण रोकिएको धनुषा १ मा नेपाली कम्युनिस्ट पार्टीका मातृका यादव विजयी भएको जनाउँदै प्रत्यक्षतर्फ सबै १६५ स्थानको अन्तिम मतपरिणाम घोषणा गरेको छ।
प्रत्यक्ष र समानुपातिक दुवै प्रणालीतर्फ पछि नेपाली कांग्रेस दोस्रो, नेकपा एमाले तेस्रो र नेपाली कम्युनिस्ट पार्टी चौथो स्थानमा छन्।
प्रत्यक्षतर्फ सीट जितेका श्रम संस्कृति पार्टी र राप्रपाले पनि समानुपातिक मतमा ३ प्रतिशत 'थ्रेश्होल्ड' कटाएका छन्।
यो निर्वाचनमा पहिलो पटक भाग लिएको श्रम संस्कृति पार्टीसहित छ वटा दलले राष्ट्रिय पार्टीको मान्यता पाउने देखिएको छ। प्रत्यक्षतर्फ १६५ र समानुपातिकतर्फ ११० गरी कुल २७५ सीटका लागि भएको निर्वाचनको अन्तिम परिणाम चैत ५ गते राष्ट्रपतिलाई बुझाउने तयारि गरिएको निर्वाचन आयोगले जनाएको छ।
यी विवरणसहित हामी आजलाई यो लाइभ पेजबाट बिदा माग्छौँ। दिनभरको साथ र समर्थनका लागि यहाँहरूलाई धेरै धेरै धन्यवाद।
बीबीसी नेपाली सेवाको मुख्य पेजमा यी विभिन्न सामग्रीहरू पनि छन् कृपया पढ्नुहोला।
बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्नयहाँ क्लिक गर्नुहोस्। तपाईँफेसबुक, इन्स्टाग्राम रट्विटरमा पनि हाम्रा सामग्री हेर्न सक्नुहुन्छ।
