 | | | قناعت، اعتقاد، هيله مندي، سخاوت او خير خواهي د نظر او زينب ژوند کې د بدلون راوست |
دا د هغې اصيلې افغانې ښځې او خاوند په هکله کيسه ده چې په ورځنيو ستونزو کې د خپل پايښت لپاره ژوند کوي او په غريبۍ کې هم خپله ټولنه نه هيروي . ستونزې نه شي کولاى چې د دوى پر يو بل باندې باور او اعتبار کمزورى کړي . دوى ډير زيار کښ دي او هيڅکله هم خپل اميد له لاسه نه ورکوي .
هغه مرغلره چې دوى يې پيدا کوي د دوى په ژوند کې د بدلون پيل څرګندوي . د بيلګې په توګه دومره سخته نه ده چې تاسې د خپلې شتمنۍ يوه برخه چاته د مرستې لپاره ورکړئ ، مگر د خداى ( ج) له پلوه چاته ورکړل شوې خزانه څومره آسانه ده چې څوک يې چاته ورکړي؟ نظراو زينب شتمن نه وو خو هغوى ډير پاک ، نيکمرغه او له قناعت سره ژوند تيراوه . وخت بدل شو. جګړوخپل ناوړه دا غونه هرې خواته اوهرځاى پريښودل . د نظر او زينب په ګډون ګڼ شمير خلکو خپلې شتمنۍ له لاسه ورکړې ، خو نظر هيڅ وخت خپل اعتقاد، هيله مندي، سخاوت او خير خواهى له لاسه ورنه کړه . هغه د نورو غمخواري هيره نه کړه . زينب هم د خپل خاوند هيلو ته درناوى کاوه او له هغه سره دهغه په کارونو کې د مرستندوى په توګه ولاړه وه . وروستۍ درې لسيزې د افغانانو لپاره ډير سخت کلونه وو. ګڼ شمير خلکو خپل روزګار، جايدادونه ، کورونه او خپل نږدې کسان له لاسه ورکړل، خو په ډير درنښت او سر لوړۍ يې خپل اميدونه اوخندا ساتله. د مرغلرې د کتاب کيسې د وروستيو وختونو د يوې رښتينې کيسې بڼه غوره کړې ده . ښې او بدې ورځې تيريږي او ژوند هماغسې پرمخ ځي.
| 
له ناظرتر تجلا