Sindkhed Raja: राजमाता जिजाऊंचं जन्मस्थळ विकासाच्या प्रतीक्षेत?

12 जानेवारीला छत्रपती शिवाजी महाराजांची आई जिजामाता यांचा 422वा जन्मदिन आहे. दरवर्षीप्रमाणे जिजाऊंच्या जन्मस्थळी सिंदखेड राजा इथे शिवप्रेमींची गर्दी जमली आहे.

सिंदखेडचे लखोजीराजे जाधव आणि म्हाळसाराणी यांच्या जिजाऊ या कन्या. 1598 साली जिजाऊंचा जन्म झाला. या जन्मस्थळाच्या विकासासाठी निधी देऊ असं आश्वासन दिलं होतं. तो 315 कोटींचा निधी तातडीने उपलब्ध करून देण्याची मागणी गेल्यावर्षी खासदार सुप्रिया सुळे यांनी केली होती.

'जिजाऊंच्या जन्मस्थळ विकासासाठी देऊ असं आश्वासन दिलेले 311 कोटी कुठे आहेत?' असा सवाल जाधव घराण्याच्या 17व्या पिढीशी संबंधित असलेल्या शिवाजीराजे जाधव यांनी केला आहे. अद्यापही राजमाता जिजाऊंचं जन्मस्थळ विकासाच्या प्रतीक्षेत आहे असं शिवाजीराजे जाधव यांचं म्हणणं आहे.

हे पाहिलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.)