Hysbysiad Preifatrwydd

Mae’n bwysig iawn i ni eich bod chi’n ymddiried ynom. Mae hyn yn golygu bod y BBC wedi ymrwymo i warchod preifatrwydd a diogelwch eich data personol. Mae’n bwysig eich bod yn darllen yr hysbysiad hwn er mwyn i chi wybod sut a pham rydym yn defnyddio data personol o’r fath. Mae’r hysbysiad preifatrwydd hwn yn disgrifio sut rydym yn casglu ac yn defnyddio data personol amdanoch chi yn ystod eich perthynas â ni, ac wedi hynny, yn unol â chyfraith diogelu data.

Pam rydym yn gwneud hyn a sut gallwch chi gymryd rhan? 

Mae’r BBC yn rhoi cyfle i chi enwebu unigolyn neu grŵp ar gyfer y Gwobrau Gwneud Gwahaniaeth, sy’n cydnabod arwyr tawel o bob cwr o’r DU.

Gallwch enwebu unigolyn/unigolion ar gyfer un o’r categorïau canlynol:

• Gwobr Gwirfoddoli
• Gwobr Arwr Ifanc 
• Gwobr Cymydog Arbennig 
• Gwobr Actif  
• Gwobr Anifeiliaid 
• Gwobr Amgylcheddol  
• Gwobr Codi Arian  
• Gwobr Grŵp Cymunedol (a gefnogir gan Morning Live) 

Bydd y BBC yn casglu data personol drwy lwyfan ar-lein a ddefnyddir gan y BBC.

Gofynnwn i chi ofyn am ganiatâd gan eich enwebai cyn ei enwebu, gan roi gwybod iddo pa ddata personol rydych chi’n mynd i’w rannu â ni, ac anfon copi o’r hysbysiad preifatrwydd hwn ato.

Bydd pedwar (4) unigolyn neu grŵp ar y rhestr fer ar gyfer pob categori. Byddwn yn cysylltu â’r rhai sydd ar y rhestr fer i gymryd rhan mewn cyfweliad darlledu, ac yn eu gwahodd i seremoni wobrwyo neu i gymryd rhan mewn rhaglen wobrwyo ar y radio neu ar y teledu yn eu rhanbarth, a fydd yn cael ei recordio lle bydd enillydd pob categori yn cael ei gyhoeddi.

Os bydd eich enwebai’n ymddangos mewn darllediad, gall hyn olygu bod y rhaglen ar gael ar-lein a/neu ar-alw, a gellir defnyddio ei gyfraniad eto mewn darllediad yn y dyfodol. Mae’n bosibl y byddwn hefyd yn defnyddio cyfraniad yr enwebai at ddibenion hyrwyddo ar safleoedd cyfryngau cymdeithasol y BBC.

Rydym yn defnyddio offer trawsgrifio awtomataidd i drosi cyflwyniadau sain a fideo yn destun. Gall hyn gynnwys trawsgrifio yn Gymraeg ac yn Saesneg. Mae’r holl gyflwyniadau’n cael eu hadolygu gan staff y BBC.

I gael gwybod sut bydd y BBC yn prosesu data personol pan fydd unigolion yn cyfrannu at ein rhaglenni, darllenwch ein Hysbysiad Preifatrwydd ar gyfer Cyfranwyr.

Pa ddata personol fydd y BBC yn ei gasglu?

Data personol amdanoch chi (yr enwebydd)

• Enw llawn
• Oedran
• Rhif ffôn
• Cyfeiriad e-bost
• Eich perthynas â’r enwebai

Data personol am eich enwebai

• Enw llawn
• Oedran
• Rhif ffôn
• Cyfeiriad e-bost
• Y ddinas/tref/pentref agosaf sy’n ymwneud â’ch enwebiad
• A yw’r enwebiad yn ymwneud â grŵp, ac a yw’r enwebai yn aelod, yn gadeirydd, yn sylfaenydd neu’n ymddiriedolwr o’r grŵp hwnnw

Os yw eich enwebai o dan 18 oed, bydd angen i ni hefyd gael caniatâd rhiant/gwarcheidwad. Yn yr achos hwn, byddwn yn gofyn am enw, rhif ffôn a chyfeiriad e-bost y rhiant/gwarcheidwad.

Data categori arbennig

Yn dibynnu ar yr hyn mae eich cyflwyniad yn ei gynnwys, efallai y byddwn yn prosesu data categori arbennig am eich enwebai, gan gynnwys:

• Gwybodaeth yn ymwneud ag iechyd
• Cyfeiriadedd rhywiol
• Hil neu ethnigrwydd
• Credoau crefyddol neu athronyddol

Archwiliadau ar-lein ac ar y cyfryngau cymdeithasol 

Bydd y BBC yn cynnal archwiliadau cefndirol ar y rhai sydd ar y rhestr fer, sy’n cynnwys archwiliadau sgrinio ar-lein ac ar gyfryngau cymdeithasol. Rydym yn defnyddio’r data personol sy’n cael ei brosesu fel rhan o wiriadau cefndir i sicrhau cymhwysedd. Mae’n bosibl na fydd gwybodaeth a ddaw i’r amlwg fel rhan o wiriad cefndir yn eich gwahardd o’r gwobrau, ond gallai peidio â datgelu gwybodaeth berthnasol, a ganfyddir yn ddiweddarach, arwain at eich eithrio o’r gwobrau.

Pwy yw’r Rheolydd Data? 

Y BBC yw Rheolydd Data eich data personol. Mae hyn yn golygu mai’r BBC fydd yn penderfynu ar gyfer beth y bydd eich data personol yn cael ei ddefnyddio, a sut y bydd yn cael ei brosesu. Bydd eich data personol yn cael ei gasglu a’i brosesu at y dibenion a nodir yn yr hysbysiad preifatrwydd hwn yn unig.

Y sail gyfreithlon dros brosesu eich data personol 

Mae’r ffordd y mae’r BBC yn prosesu eich data personol a data categori arbennig wedi’i seilio’n gyfreithiol ar gyflawni ei rôl gyhoeddus. Yr amod prosesu ychwanegol ar gyfer data categori arbennig yw budd sylweddol i’r cyhoedd sy’n ymwneud â dibenion statudol a llywodraethol.

Mae gennym ddyletswydd gyfreithiol hefyd i brosesu data personol yr enillwyr er mwyn cydymffurfio â rheoliadau cystadleuaeth perthnasol.

Buddiant dilys yw’r sail gyfreithiol ar gyfer archwiliadau ar-lein ac ar y cyfryngau cymdeithasol. Mae diogelu’r Gwobrau ac enw da corfforaethol y BBC yn fuddiant dilys i’r BBC. Rydym wedi ystyried yn ofalus yr effaith ar unigolion, ac ni fyddwn yn defnyddio data personol pan fydd yr effaith yn fwy na’r buddiannau i ni.

Rhannu eich data personol 

Mae’r BBC yn gweithio gyda darparwyr trydydd parti cymeradwy sy’n ein helpu i ddarparu rhai o’n gwasanaethau. Dim ond ar ran y BBC y mae’r partneriaid hyn yn defnyddio eich data personol, ac nid yn annibynnol ar y BBC.

Efallai y bydd y rheini sydd wedi cyrraedd y rownd derfynol a’r enillwyr yn cael cynnig cyfleoedd neu brofiadau ychwanegol sy’n gysylltiedig â’r Gwobrau Gwneud Gwahaniaeth. Pan fydd hyn yn golygu gweithio gyda thimau eraill y BBC (gan gynnwys BBC Studios), partneriaid dibynadwy, neu ddarparwyr trydydd parti allanol, mae’n bosibl mai dim ond y data personol sydd ei angen arnom i gyflawni’r cyfle hwnnw y byddwn yn ei rannu. Gall hyn gynnwys rhannu manylion y rhai sydd wedi cyrraedd y rownd derfynol â thrydydd partïon at ddibenion trefnu neu gyflawni cyfleoedd neu brofiadau dewisol yn unig, a dim ond lle bo angen. Dim ond ar ran y BBC y caiff y sefydliadau hyn ddefnyddio eich data personol, ac nid at eu dibenion eu hunain.

Mae’n bosibl y byddwn hefyd yn rhannu data personol os bydd y gyfraith yn mynnu neu’n caniatáu hynny. 

Cadw eich data personol

Cedwir pob cyflwyniad am ddwy (2) flynedd ar ôl y dyddiad cyflwyno – at ddibenion rheoleiddio a chydymffurfio ar gyfer yr enillwyr a’r rhai sy’n dod yn ail, ac er mwyn i ni allu cysylltu â chi os yw eich straeon yn addas ar gyfer darllediadau eraill.

Bydd cyfraniadau sy’n cael eu darlledu a/neu eu cyhoeddi yn cael eu cadw a’u harchifo am byth.

Bydd eich data personol yn cael ei storio yn y DU a’r Ardal Economaidd Ewropeaidd.

Eich hawliau a rhagor o wybodaeth 

Mae gennych chi hawliau o dan gyfraith diogelu data:

• Gallwch ofyn am gopi o’r data personol mae’r BBC yn ei storio amdanoch chi.
• Mae gennych chi hawl i ofyn i ni gywiro unrhyw ddata personol anghywir neu anghyflawn sydd gennym amdanoch chi.
• Mae gennych hawl i ofyn am i’r data personol rydym yn ei gasglu amdanoch gael ei ddileu, ond mae cyfyngiadau ac eithriadau i’r hawl hon, a gallai’r BBC wrthod eich cais.
• Mewn rhai amgylchiadau, mae gennych hawl i gyfyngu ar brosesu eich data personol neu wrthwynebu prosesu eich data personol.
• Mae gennych hawl i ofyn i ni drosglwyddo’r data personol i chi neu i sefydliad arall, mewn rhai amgylchiadau.

Gallwch gysylltu â’n Swyddog Diogelu Data os oes gennych gwestiynau neu os ydych am gael gwybod mwy am eich hawliau. Ewch i Bolisi Preifatrwydd a Chwcis y BBC.

Os ydych chi’n poeni am y ffordd mae’r BBC wedi delio â’ch data personol, gallwch godi’r pryder gyda’r awdurdod goruchwylio yn y DU, sef Swyddfa'r Comisiynydd Gwybodaeth (ICO).

Diweddaru'r hysbysiad preifatrwydd hwn 

Byddwn yn diwygio’r hysbysiad preifatrwydd os bydd y ffordd rydym yn defnyddio’ch data personol yn newid yn sylweddol.