Чернобыль алааматы: авариядан кийинки тарыхый сүрөттөр

Абайлагыла, үрөй учурган сүрөттөр болушу мүмкүн!

Украиналык фотожурналист Игорь Костин 1986-жылдын 26-апрелиндеги Чернобылдагы өзөктүк реактор кыйроого учураган алааматты сүрөткө тарткандардын бири.

Костиндин сүрөттөрүн советтик жетекчилик авариядан бир нече апталардан кийин гана чыгарууга уруксат берген. Ал сүрөттөр дүйнөгө кырсыктын масштабын көрсөттү.

Алааматтан кийин фотограф кырсык болгон аймакка барып, анын кесепеттерин тартып берүүгө аракет кылган. Андан сырткары радиоактивдүү зыяндын Украина менен Беларустагы кишилерге, жаныбарларга кесепетин тартты.

Игорь Костин 2015-жылы 78 жашында автокырсыктан каза тапты. Анын тарыхый сүрөттөрүн Би-Би-Си үй-бүлөсүнөн алды.

Жоокерлер анчалык корголбогон кийимдер менен үчүнчү энергоблоктун чатырын тазалап жатышат.

Авариянын кесепети менен күрөшкөн куткаруучулардын көбү колго жасалган коргоочу кийимдерди кийишкен.

Москвадагы №6-оорукана эң оор абалдагы бейтаптарды кабыл алган. Алардын арасында радиокативдүү өрттү биринчилерден болуп өчүрүүгө аракет кылган өрт өчүргүчтөр бар эле.

ЖМК маалыматтарына таянсак, 1990-жылдары Игорду англиялык аял гезиттен көрүп, кийин асырап алган.

Алааматтын биринчи жылдары мутацияга айбанаттар кабылган.

1986-жылы 26-апрелге караган түнү Украинанын Чернобыль АЭСинде жарылуу болуп, болжолу Хиросиманын күлүн көккө сапырган "Малыш" атом бомбасынан 400 эсе көп радиоактивдүү заттар айлана-чөйрөгө тараган.

Курмандыктардын саны боюнча чоң айырмачылыктар бар. БУУнун расмий маалыматында 50 киши авария кесепетинен каза таап, андан кийинки зыяндуу нурдан төрт миңдей киши көз жумганы айтылат.

Бирок башка изилдөөлөр андан кийинки он жылдыктагы радиоактивдүү нурлануунун курмандыктарын жүз миңдеп санашат. Чернобыль АЭСиндеги жарылуунун кесепетинен каза тапкандар 200 миң кишиге чейин жеткен деп айтылат кээ бир изилдөөлөрдө.