Негизинен мектептердеги зордук-зомбулукка 7-8 класстын окуучулары кабылышат. Алар жогорку класстын окуучулары тарабынан салык төлөөгө мажбурланып, ур-токмокко алынат. Көп учурда баалуу буюмдарын тарттырып жиберген да фактылар бар.

Буга чейин мындай көрүнүштөр уландар арасында гана кездешип келсе, азыр кыздардын арасында да кеңири жайылууда.

Мектептердеги зордук-зомбулуктар айрым учурда өспүрүмдүн өлүмү менен аяктаган учурлар көбөйүп, бул маселеге мамлекеттик деңгээлде чара көрүү чакырыгы мындан бир нече жыл мурда эле көтөрүлгөн. Ар бир мектепке психолог, инспекторлорду коюу аракети көрүлүп келет. Бирок, каражаттын тартыштыгынан улам бир мектепке бир гана инспектор туура келет. Айрым жерлерде бир нече мектепти бир психолог, бир инспектор тейлеген учурлар да бар.