Италиянын прокурорлору премьер-министр Сильвио Берлускони жашы жете элек сойку менен алакада болгон, деген имиштер боюнча дароо соттолушу керек экенин талап кылууда.
Алар Берлускони он жети жашаар кыз менен жыныстык катнаш үчүн акча төлөгөн жана кызмат абалынан пайдаланып, ал кыз кармалганда, камактан бошоттурган, деп айыпташууда. Берлускони бул айыптоолорду четке кагууда. Журналисттерге сүйлөгөн сөзүндө Берлускони прокурорлордун айптоолору бузуп-жарууга багытталган жана алар Италиянын тышкы авроюна доо кетиришти, деп айтты.
Миландын соту бул ишти кароого жетиштүү далилдер бар-жогун аныктайт. Эгерде Берлускони күнөлүү, деп табылса, ал он беш жыл абакка кесилиши мүмкүн.
| 
Чылым чегүү үй-бүлөлүк бюджетке да зыян
