'Abin da ya sa na gabatar da ƙudurin dokar yin gwaji kafin aure a Kano'

Ku latsa hoton da ke sama don kallon bidiyon:

Majalisar dokokin jihar Kano a arewa maso yammacin Najeriya ta amince da kudurin dokar tilasta yin gwaji kafin a yi aure a jihar.

Dan majalisar jihar ta Kano mai wakiltar Takai Dakta Musa Ali Kachako, shi ne ya gabatar da wannan ƙuduri a zauren majalisar wanda aka tafka muhawara a kai kafin a kai ga amincewa da shi.

Ya kuma shaida wa BBC cewa lallai ne jama'a sun yi maraba da wannan ƙudiri a bisa yadda suka riƙa samun martani da rahotanni daga jama'ar jihar.