Yadda wasannin Premier mako na 16 suka gudana

Rahoto kai-tsaye

Umar Mikail and Buhari Muhammad Fagge

1. 8 Disamba 2019Rawar da kungiyoyin suka taka, Brighton 2-2 Wolves

2. 8 Disamba 2019Wasa ya kare, Brighton 2-2 Wolves

   Wolves ta ci gaba da kare gidanta, domin kuwa wasa na 11 kenan da ta buga a kakar bana ba tare da an ci ta.

3. 8 Disamba 2019Wolves ta yi canji, Brighton 2-2 Wolves

   An cire Adama, inda Traore ya karbe shi.

4. 8 Disamba 2019Katin gargadi, Brighton 2-2 Wolves

   An bai wa Stepens katin gargadi

5. 8 Disamba 2019, Brighton 2-2 Wolves

   Wannan wasa ya kasa fidda gwani. Tun a minti na 44 da Wolves ta farke kwallo ta biyu har yanzu babu abin da ke faruwa illa fafatawa.

   Idan aka tashi haka Wolves ta ci da zama a kasan Man United a mataki na shida.

6. 8 Disamba 2019Brighton 2-2 Wolves, Brighton 2-2 Wolves

   Duka kocin kungiyoyin sun kasa zama kowa na neman kare matsayinsa.

7. 8 Disamba 2019Brighton 2-2 Wolves, Brighton 2-2 Wolves

   Brighton na buga kwallo kamar wadanda ake ci, so take kawai ta kara kwallo domin samun mazauni a teburi.

8. 8 Disamba 2019Brighton 2-2 Wolves, Brighton 2-2 Wolves

   Wolves da shirinta ta dawo, ganin cewa Manchester United ta dare wurin da take a teburin Premier, da yuyuwar Wolves ta yi duk abin da za ta iya domin ta koma matsayinta.

9. 8 Disamba 2019An dawo wasa, Brighton 2-2 Wolves

10. 8 Disamba 2019An tafi hutun rabin lokaci, Brighton 2-2 Wolves

11. 8 Disamba 2019GOAL '44, Brighton 2-2 Wolves

    Wolves ta yunkuro

12. 8 Disamba 2019Ahhhhh GOAL '36, Brighton 2-1 Wolves

    Propper ya kara ta biyu bayan minti 1 da dakika 32.

    Babu mamaki Brighton ta karya tarihin cewa ba ta taba yin nasara ba a wasan da aka fara cin ta kwallo daya a filin wasanta mai suna The American Express Community.

    Sai an tashi za mu tabbatar da hakan.

13. 8 Disamba 2019GOAL '34, Brighton 1-1 Wolves

    Maupay ne ya ci wa Brighton

14. 8 Disamba 2019Wolves, Brighton 1-0 Wolves

    Wolves ba ta yi rashin nasara ba a wasa 10 na baya-bayan nan (ta ci 5, ta yi canjaras 5), Liverpool ce kadai ta fi ta bajinta, inda ba a doke ta ba a wasa 33 yanzu haka.

    Ita kuwa Brighton ba ta taba yin nasara ba a wasan da aka fara cin ta kwallo daya a filin wasanta mai suna The American Express Community.

15. 8 Disamba 2019GOAL '27, Brighton 0-1 Wolves

    Diogo ne ya sakada ta a zare bayan Raul Jimenez ya shirya masa ita daga bangaren hagu a ciukin yadi na 18.

16. 8 Disamba 2019Raul Jimenez, Brighton 0-0 Wolves

    Raul Jimenez ya kai mummunan hari na-ci sakamakon kai da ya saka wa kwallo, da kyar da yarfe gumin goshi golan Brighton Mathew Ryan ya kwakwulo ta.

17. 8 Disamba 2019Brighton 0-0 Wolves, Brighton 0-0 Wolves

    Kiris ya hana Brighton ta jefa kwallo, hari biyu a lokaci daya.

18. 8 Disamba 2019Leicester ta tumurmusa Aston Villa har gida, Aston Villa 1-4 Leicester

    Leicester City ta ragargaji Aston Villa har gida da ci 1-4 a wasan Premier mako na 16.

    Wannan ce nasara ta takwas a jere da Leicester ta samu a Premier ta bana kuma karon farko kenan da kungiyar ke cin wasan Premier takwas a jere.

    Jamie Vardy, kamar yadda aka saba, shi ne ya bude wasan da kwallon da ya ci a minti na 20 bayan ya yanke golan Villa, Tom Heaton. Ya kara ta biyu a minti na 75.

    Vardy ya ci kwallo a wasa takwas a jere a kakar bana, rabon da hakan ta faru tun a 2015 lokacin da Vardy din da kansa ya ci a wasa 11 a jere - yanzu haka shi ne kan gaba wurin zira kwallaye a kakar bana da kwallo 16.

    Dan Najeriya Kelechi Iheanacho ma ya ci kwallo a minti na 41 a wasan da aka fara da shi na farko a kakar bana. Ya ci kwallo hudu kenan a dukkanin wasa hudu da ya buga a bana ga Leicester City.

    Jack Grealish ne ya ci wa Villa kwallo daya tilo a minti na 45+2, sai kuma Evans, wanda shi ma ya ci a minti na 49, wadda ita ce kwallonsa ta farko a kakar bana ga Leicester.

    Leicester City na ci gaba da zama a matsayi na biyu da maki 38, maki takwas kenan tsakaninta da Liverpool a saman teburi.

19. 8 Disamba 2019An busa tashi, Norwich 1-2 Sheffield United

20. 8 Disamba 2019An tashi daga wasa, Newcastle 2-1 Southampton