Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi ne da zai ke kawo muku labaran wasannin BBC Hausa daga 4 zuwa 8 ga watan Mayun 2026.
Mohammed Abdu
Za mu kawo muku wasan da Arsenal za ta karɓi bakuncin Atletico Madrid ranar Talata a Champions League, duk wadda ta yi nasara za ta kai karawar karshe.
Da faran za ku tara a shirin tare da ni Mohammed Abdu, Mammman Skipper Tudun Wada Kano, Najeriya.
Tun farko Manchester City ta sa ran samun maki uku, amma ta raba da Everton a wasan da ya kayatar a Premier League a ranar Litinin.
Wataƙila maki ɗaya bai isa ba, amma wannan ƙyaƙƙyawar ƙwallo ce daga Jeremy Doku da kuma jajircewa mai ban mamaki daga Manchester City don dawowa cikin wasa.
Jeremy Doku ya lanƙwasa ƙwallo daga gefen akwatin bugun fenariti zuwa saman kusurwar raga, kuma City ta raba maki da Everton.
Kasa da mintuna biyar tare da ƙarin lokacin suka rage wa Manchester City don ta samu wani abu daga wannan wasa ko raba maki ne daga neman uku tun kan fara wasan.
Abin mamaki, bayan ƙwallon Thierno Barry da ya Everton a gaba da cin 3-1, wasu magoya baya sun fara barin filin wasa. Amma sun sake dawowa da sauri bayan Erling Haaland ya zare ɗaya.
Wannan wasa ya kara rikicewa, amma idan akwai wanda Manchester City za ta dogara da shi, to shi ne Erling Haaland.
Ɗan Norway ɗin ya karya layin masu tsaron bayan Everton, ya ruga da ƙarfi, sannan ya ɗaga ƙwallon sama ta wuce Jordan Pickford.
Manchester City ta ruɗe gabaki daya ta yadda aka ci ƙwallo na uku.
Kuma kuskure aka yi daga Manchester City, inda Thierno Barry ya yi amfani da damar.
Phil Foden da Mateo Kovacic sun shiga fili sun kuma canji Antoine Semenyo da Nico Gonzalez.
Wani sauyi mai ban mamaki ga Everton!
Ta samu bugun kusurwa, kuma ƙwallon da aka kawo ta yi ƙyau, inda Jake O'Brien ya yi amfani da kai ya zura ta cikin raga.
A cikin mintuna kaɗan, gasar neman kofin ta juya gaba ɗaya.
Tun farko an soke ƙwallon da cewar da satar gida, yayin da Guehi ya mayar da ƙwallo ga mai tsaron gida, amma ba ta je gurin Dunnarumma ba, nan da nan Barry ya jefa a raga.
Beto an maye gurbinsa da Thierno Barry.
Everton na korafin fenariti a cikin da'ira ta 18, amma alkalin wasa ya ce ba komai.
Erling Haaland ya ruga da ƙarfi ta tsakiyar fili, amma ya zame yayin da zai bayar da ƙwallo zuwa Jeremy Doku.
Harin bai yi zafi ba, kuma Everton ta samu damar komawa cikin tsarin tsaron bayansu.
Akwai kyakƙyawan fata ga Everton, saboda Manchester City ta ɗan rage kai hari da aka dwo zagaye na biyu a wasan na Premier League.
A wannan kakar, an zura mata ƙwallaye 29, kuma 20 daga cikinsu a zagaye na biyu a gasar ta Ingila.
Da alama Antoine Semenyo ya bugu sosai a kai daga ketar da Vitalii Mykolenko ya yi masa, amma hatsari ne kawai ba wani komai.
An duba shi, kuma ya koma fili yana cikin koshin lafiya kuma zai ci gaba da fafatawar.
Antoine Semenyo ya fadi a cikin gidan Everton a da'ira ta 18 yana riƙe da kansa, don haka alkalkin wasan, Michael Oliver ba shi da zaɓi sai ya dakatar da wasan… abin da ya harzuka magoya bayan masu masaukin baƙi sosai.
