KAI TSAYE, Afcon 2025/29: An je hutu Masar 0-0 Najeriya

Rahoto kai-tsaye

Mohammed Abdu

1. Mintuna 5 da suka wuceAn je hutu Masar 0-0 Najeriya

2. Mintuna 5 da suka wuce, Masar 0-0 Najeriya

   

   Asalin hoton, Getty Images

   Ɗan wasan Masar, Emam Ashour yana taka leda duk inda ka duba shi zaka gani yana ta kai komo a wasan san.

3. Mintuna 9 da suka wuce, Masar 0-0 Najeriya

   Mohamed Salah na Masar ya samu bugun tazara

4. Mintuna 17 da suka wuceGooool Najeriya ta ci ƙwallo, Paul Onuachu

   

   Asalin hoton, Getty Images

   An soke ƙwallon da Onuachu ya ci bayan da aka duba VAR, kuma Akor ne ya buga shi ne ta bugi keyar Onuachu

5. Mintuna 21 da suka wuce, Masar 0-0 Najeriya

   Masar ta kara kai kora daga ɓangaren dama an kuma bugo ƙwallon sama, amma ta yi yawa ta fita wajen filin. bugun falan ɗaya ga Nageriya.

6. Mintuna 22 da suka wuce, Masar 0-0 Najeriya

   Har yanzu dai Masar ta fi riƙe ƙwallo fiye da Najeriya a wasan neman mataki na uku da na huɗu a Afcon, saura minti 15 a je hutu, banda karin lokaci.

7. Mintuna 26 da suka wuce, Masar 0-0 Najeriya

   Masar ta bugo ƙwallo daga ɓangaren dama a lokacin da mai tsaron ragar Najeriya, Nwabble sai Mohamed Salah ya taɓa ƙwallo amma dai daga baya ba ta zama haɗari ba.

8. Mintuna 27 da suka wuce, Masar 0-0 Najeriya

   Masar sun fi riƙe ƙwallon da rabawa a wasan nan na neman mataki na uku da na huɗu a Afcon

   Senegal ce ta fitar da Masar da cin 1-0 a daf da karshe.

   Mai masaukin baki Morocco ce ta yi waje da Najeriya a bugun fenriti 4-2, bayan da suka tashi 0-0.

9. Mintuna 30 da suka wuce, Masar 0-0 Najeriya

   An yi minti 20 da take leda kuma Zizo na Masar ya ja ƙwallo daidai da fita waje daga Najeriya ya taɓa ta zama ƙwana, bai ji daɗin abinda ya faru ba, so ya yi ƙwalon ta faɗa ragar Super Eagles.

10. Mintuna 32 da suka wuce, Masar 0-0 Najeriya

    Masar ta kai kora da ƙwallo a sama zuwa wajen Mostafa Mohamed, wanda ya yi kokarin tarewa da kirji amma sai ƙwallo ya taɓa hannusa, an kuma hura.

11. Mintuna 36 da suka wuce, Masar 0-0 Najeriya

    Masar ta fara wasa tun daga mai tsaron gidanta zuwa yan baya ta kai ga Salah shi kuma ya buga zuwa cikin da'ira ta 18 ta Nageria, amma Nwaballi ya ankara ya yib sauri ya sa kafa ya buge ƙwallon.

12. Mintuna 39 da suka wuce, Masar 0-0 Najeriya

    Akor Adams ya yi kokarin buga ƙwallo daga ɓangaren hagun fili, amma ba ta yi zafi ba an tare ta cikin ruwan sanyi.

13. Mintuna 44 da suka wuce, Masar 0-0 Najeriya

    Har yanzu dai wasan bai ɗauki zafi ba, kuma ba a fara kai hare-hare masu zafi ba, an fi yin ƙwallon daga tsakiyar fili, tsakanin ƴan wasan Masar da na Najeriya.

14. Mintuna 47 da suka wuce, Masar 0-0 Najeriya

    Ana gyaran tuta ta kusurwar fili, bayan Emam Ashour na Masar, wanda ya yi kokarin fitar da ƙwallo kada ta je kwana sai ya tuge tutar, amma yanzu an gyara za a ci gaba da wasan neman mataki na uku da na hudu a gasar cin kofin Afirka a Morocco.

15. Mintuna 50 da suka wuce, Masar 0-0 Najeriya

    An buga kawana an kuma fitar da ƙwallon daga gidan Masar, amma yanzu dai Najeriya za ta yi fifa gidan Masar - har yanzu wasan bai ɗauki zafi ba.

16. Mintuna 51 da suka wuce, Masar 0-0 Najeriya

    Chukwueze na Najeriya ya kai kora gidan Masar amma ƙwallo ta je kwana.

17. Mintuna 52 da suka wuce, Masar 0-0 Najeriya

    Trezequet ya bugo kwallo amma mai tsaron raga ya kama daga gefen hagu ba wani haɗari.

18. Mintuna 53 da suka wuceAn fara wasa Masar da Najeriya, Masar 0-0 Najeriya

    An fara wasan neman mataki na uku da na huɗu a gasar cin kofin nahiyar Afirka tsakanin Masar da Najeriya da ake yi a Morocco.

19. Mintuna 57 da suka wuce, Masar 0-0 Najeriya

    Ƴan wasa na daf da take leda suna cikin fili ana taken kasashen biyu daga nan kowa ya kama guri ya zauna a fara wasan neman mataki na uku a gasar cin kofin Afirka da ake yi a Morocco.

20. Mintuna 58 da suka wuceKaro na biyu tsakaninsu a gasar da Morocco ta shirya, Afcon Morocco 2025/26

    Wannan ce haduwarsu ta biyu a gasar da Morocco ta dauki nauyin shiryawa, bayan ta farko a shekarar 1988.

    Daga cikin haduwarsu tara a gasar AFCON, takwas sun kasance ne a matakin rukuni.

    A shekarar 1976 sun hadu a zagaye na biyu na rukuni, yayin da sau bakwai suka kara a tsarin rukuni.

    A shekarar 1963, Masar ta tsallaka zagaye, yayin da a shekarar 1988 da 1990 Najeriya ta samu nasarar wucewa zagayen gaba a kan Masar.

    Gaba ɗaya, kasashen biyu sun hadu sau 20, inda Najeriya ta yi nasara takwas, Masar ta ci shida, yayin da shida suka kare da canjaras