An kama matar da ta daba wa mijinta wuka a Katsina

Ku latsa alamar lasifikar da ke sama domin sauraron SP Gambo Isa.

Rundunar 'yan sandan jihar Katsina a Najeriya ta tabbatar da mutuwar wani mutum magidanci da ake zargin matarsa ce ta daba masa wuka a jihar katsina da ke arewacin kasar.

Kakakin rundunar 'yan sandan SP Gambo Isa ya shaida wa BBC cewa suna gudanar da bincike domin gano hakikanin abin da ya faru.

Matar da ake zargin ta fito ne daga kauyen tashar DanJanku da ke karamar hukumar Malumfashi.