An soke wasannin Serie A a Italiya sanadiyyar rasuwar fafaroma

Karanta rubutu kawai domin rage cin data
...

Asalin hoton, Getty Images

Bayanan hoto, Fafaroma Francis ya rasu ne bayan fama da cutar sanyin ƙashi mai tsanani
Lokacin karatu: Minti 1

An dakatar da wasanni guda huɗu na gasar Serie A ta ƙasari Italiya bisa rasuwar Fafaroma Francis.

A ranar Litinin fadar Vatican ta sanar da rasuwar fafaroman wanda ya shafe shekara 88 a duniya bayan wata jinya da ya yi har aka kwantar da shi a asibiti.

Karawar da aka soke ta haɗa da: Torino v Udinese, Cagliari v Fiorentina, Genoa v Lazio and Parma v Juventus.

Hukumar da ke lura da gasar ta Serie A a ƙasar ta ce za ta duba wani lokacin da za a buga wasannin a nan gaba.

Ƙungiyoyin ƙwallon ƙafa da dama sun miƙa ta'aziyyar su bisa rasuwar shugaban cocin katolikan na duniya.