ભારત-ચીન સીમાવિવાદ : ભારતીય સેના પર ચીની જવાનોએ આ હથિયારથી હુમલો કર્યો હતો?

સોશિયલ મીડિયા અને બીજી જગ્યાએ એક હથિયારની તસવીર શૅર કરવામાં આવી રહી છે.

જેના વિશે કહેવામાં આવી રહ્યું છે કે ગલવાન ખીણમાં એલએસી પર બંને સેના વચ્ચે થયેલા ઘર્ષણમાં ચીની સેનાએ આ હથિયારનો ઉપયોગ કર્યો હતો.

આ હથિયાર લોખંડના સળિયા છે જેના પર ખીલા લગાડેલા છે.

ભારત-ચીન સીમા પર સેનાના એક વરિષ્ઠ અધિકારીએ પણ બીબીસીને આ તસવીર મોકલી છે.

તેમણે કહ્યું છે કે આ હથિયારથી જ ચીની સૈનિકોએ ભારતીય સૈનિકો પર હુમલો કર્યો હતો.

સુરક્ષાનિષ્ણાત અજય શુક્લાએ સૌથી પહેલાં આ તસવીર ટ્વીટ કરી હતી અને લખ્યું હતું કે આવા હથિયારોનો ઉપયોગ કરવો ક્રૂરતા છે.

ભારત અને ચીન વચ્ચે એક સમજૂતી થઈ હતી જે મુજબ વિવાદિત વિસ્તારમાં કોઈ પણ પ્રકારનાં હથિયારો લઈ જવા પર મનાઈ છે.

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો