ગુજરાતમાં નગરપાલિકામાં 55.17%, જિલ્લા પંચાયતમાં 62.72% અને તાલુકા પંચાયતમાં 63.51% મતદાન

લાઇવ કવરેજ

1. 28 ફેબ્રુઆરી 2021બ્રેકિંગ, સરેરાશ મતદાન કેટલું થયું?

   સ્થાનિકસ્વરાજની ચૂંટણીમાં સરેરાશ 55થી 64 ટકા મતદાન નોંધાયું હતું. સાંજે 7.50 કલાકની સ્થિતિ મુજબ રાજ્યમાં નગરપાલિકાની ચૂંટણીમાં 55.17%, જિલ્લા પંચાયતની ચૂંટણીમાં 62.72 % અને તાલુકા પંચાયતમાં 63.51% સરેરાશ મતદાન નોંધાયું છે.

   નગરપાલિકાની ચૂંટણીમાં સૌથી વધુ મતદાન (સાંજે આઠ કલાકની સ્થિતિ પ્રમાણે) તાપી જિલ્લામાં 70.06 ટકા નોંધાયું હતું. અહીં સાત વૉર્ડમાં વોટિંગ થયું હતું. સૌથી ઓછું મતદાન કચ્છ જિલ્લામાં (49.58 %) નોંધાયું હતું. વડોદરામાં (68.77 %), જામનગર જિલ્લામાં (63.50 %), સુરત જિલ્લામાં (62.34 %), ગાંધીનગર જિલ્લામાં (61.85 %), અમદાવાદ જિલ્લામાં (60.93 %), જૂનાગઢ જિલ્લામાં (50.29 %) અને મુખ્ય મંત્રી વિજય રુપાણીના મતવિસ્તાર રાજકોટ જિલ્લામાં 46.48 ટકા જેટલું સરેરાશ મતદાન નોંધાયું હતું.

   જિલ્લા પંચાયતની ચૂંટણીમાં રાજ્યમાં સૌથી વધુ મતદાન નર્મદા જિલ્લામાં 75.64 % નોંધાયું હતું. તાપી(71.44 ટકા) અને ડાંગમાં (71.14 ટકા) સાથે સરેરાશ 70 ટકા કરતાં વધુ મતદાન થયું હતું. સૌથી ઓછું મતદાન ગુજરાત વિધાનસભામાં વિપક્ષના નેતા પરેશ ધાનાણીના ગઢ અમેરલીમાં 53.76 ટકા નોંધાયું હતું.

   જિલ્લા પંચાયતની ચૂંટણી માટે અમુક જિલ્લાની વાત કરીએ તો ગાંધીનગરમાં (69.88%), વડોદરા (69.80), જામનગરમાં (62.81 %), અમદાવાદમાં (67.60), જૂનાગઢમાં (59.79 %) રાજકોટમાં 59 તથા ભાવનગરમાં 57.53 ટકા જેટલું સરેરાશ સાંજે આઠ વાગ્યાની સ્થિતિએ નોંધાયું હતું.

   તાલુકા પંચાયતની ચૂંટણીની વાત કરીએ તો નર્મદા (72.97 ટકા) સાથે રાજ્યનું સર્વાધિક અને 53.47 ટકા સાથે બોટાદમાં ન્યૂનતમ મતદાન નોંધાયું હતું. ડાગં (71.84 ટકા), તાપીમાં (71.68 ટકા) તથા ગાંધીનગરમાં (70.94 ટકા) વોટિંગ સાથે મતદાને 70 ટકા કરતાં વધુ મતદાન નોંધાવ્યું હતું.

   અમદાવાદમાં 67.95 ટકા, સુરતમાં 67.44 ટકા, મહેસાણામાં 65.44 ટકા, જામનગરમાં (62.84 ટકા), રાજકોટમાં (60.90 ટકા), જૂનાગઢમાં 59.44 ટકા અને ભાવનગરમાં 58 ટકા જેટલું સરેરાશ મતદાન નોંધાયું હતું.

2. 28 ફેબ્રુઆરી 2021બ્રેકિંગ, છ મહાનગરપાલિકાની ચૂંટણીઓના પરિણામની નગરપાલિકા-પંચાયતોની ચૂંટણીના પરિણામો પર કેવી અસર થશે?

   છ મહાનગરપાલિકાઓની ચૂંટણીનાં પરિણામોની અસર નગરપાલિકાઓ અને પંચાયતોની ચૂંટણીઓમાં જોવા મળશે કે નહીં?

   ગત 2015ની સ્થાનિકસ્વરાજની ચૂંટણીઓની વાત કરીએ તો ગામડાંમાં કૉંગ્રેસનો દબદબો રહ્યો હતો. જેમાં 31 જિલ્લા પંચાયતોમાંથી 23થી વધુમાં ભાજપનો રકાસ થયો હતો. જ્યારે 231 તાલુકા પંચાયતોમાંથી 165 પર કૉંગ્રેસને સફળતા જોવા મળી હતી અને 51 નગરપાલિકાઓમાંથી કૉંગ્રેસનો 13માં વિજય થયો હતો. જોકે, મહાનગરપાલિકામાં કૉંગ્રેસનું પ્રદર્શન ગત વખત કરતા નબળું પડ્યું છે.

   આ વખતે મહાનગરપાલિકાનાં પરિણામો નગરપાલિકા અને પંચાયતોની ચૂંટણીનાં પરિણામોમાં કેવી અસર કરશે?રાજકીય વિશ્લેષક અશોકપટેલના મતે કૉંગ્રેસ તેનું અસ્તિત્ત્વ ટકાવી રાખશે.

   બીબીસી ગુજરાતી સાથેની વાતચીતમાં અશોક પટેલે કહ્યું, “મહાનગરપાલિકાની ચૂંટણીઓ અને ગામડાંની (પંચાયતો)ની ચૂંટણીઓમાં ઘણો ફેર હોય છે. વળી શહેરોમાં ભાજપનો બૅઝ છે પરંતુ કૉંગ્રેસ ગામડાંમાં પકડ હજુ પણ ધરાવે છે.”

   “મોંઘવારી સહિતના મુદ્દા મામલે અસર જોવા મળી શકે છે. જોકે શહેરો સાથે નજીકનો સંપર્ક ધરાવતી અથવા તેના વધુ પ્રભાવમાં રહેતી પંચાયતો અથવા નગરપાલિકાઓમાં કદાચ ભાજપ માટે જે શહેરોનો ટ્રૅન્ડ છે, એ ટ્રૅન્ડ જોવા મળે પરંતુ હજુ પણ ખાસ કરીને આદિવાસી વિસ્તારોમાં કૉંગ્રેસ મજબૂત છે.”

   “એક વાત સ્પષ્ટ છે કે કૉંગ્રેસ કેટલાક મુખ્ય મુદ્દાઓ મુદ્દે ભાજપને ઘેરવામાં નિષ્ફળ ગઈ છે. મોંઘવારી જેવા મુદ્દે ભાજપ શેરીઓ ગજવી નાખતો પણ કૉંગ્રેસમાં મૅનેજમેન્ટનો અભાવ અથવા નેતાગીરીમાં કચાશ જોવા મળી રહી છે. જેની અસર કદાચ જોવા મળી શકે છે.”

   “જોકે, સરવાળે તો આ ગામડાં અને નગરોની ચૂંટણીઓનાં પરિણામો મહાનગરપાલિકાથી તો અલગ જ આવશે એવી શક્યતા છે.”

   “મહાગનરપાલિકાનાં પરિણામોની આ પરિણામો પર એટલી બધી ખાસ અસર નહીં જોવા મળી શકે. જોકે આમ આદમી પાર્ટી અને ઓવૈસીની પાર્ટીની ઍન્ટ્રી થઈ ચૂકી હોવાથી રસાકસી જરૂર જોવા મળશે.”

3. 28 ફેબ્રુઆરી 2021અત્યાર સુધી સરેરાશ 53 ટકા મતદાન

   રાજ્યમાં નગરપાલિકા ચૂંટણીમાં સરેરાશ 52 ટકા મતદાન, જિલ્લા પંચાયત ચૂંટણીમાં સરેરાશ 54 ટકા મતદાન, તાલુકા પંચાયતમાં સરેરાશ 54 ટકા મતદાન.

   રાજ્યમાં નગરપાલિકા-પંચાયતની ચૂંટણીઓમાં સરેરાશ 53.33 ટકા મતદાન

   (સાંજે 5:30 વાગ્યા સુધીની ટકાવારી. સ્રોત – રાજ્ય ચૂંટણીપંચ)

4. 28 ફેબ્રુઆરી 2021દાહોદમાં ચાલુ મતદાનમાં બૂથ કૅપ્ચરિંગનો પ્રયાસ થયો? મતદાન સ્થગિત

   તાજા સમાચાર અનુસાર દાહોદમાં ચાલુ મતદાન દરમિયાન બૂથ કૅપ્ચરિંગના પ્રયાસ હેઠળ ઈવીએમ તોડવાની ઘટના બની હોવાના સમાચાર છે.

   સ્થાનિક પત્રકાર અને બીબીસીના સહયોગી દક્ષેશ શાહે જણાવ્યા મુજબ દાહોદના ઝાલોદ તાલુકામાં ઘોડિયા મુખ્ય પ્રાથમિક શાળામાં ઘટના બની છે. 2થી 3 લોકો દ્વારા બુથ કૅપ્ચરિંગનો પ્રયાસ થયો હતો.

   દક્ષેશ શાહ અનુસાર 2 ઈવીએમની તોડફોડ કરી છે. જોકે ઘટનાની જાણ થતા જિલ્લા પોલીસ વડા અને વરિષ્ઠ અધિકારીઓ ત્યાં પહોંચી ગયા છે.

   હાલ મતદાન સ્થગિત કરી દેવાયું છે.

5. 28 ફેબ્રુઆરી 2021સરેરાશ 48 ટકા મતદાન

   નગરપાલિકા ચૂંટણીમાં સરેરાશ 43.56 ટકા મતદાન, જિલ્લા પંચાયત ચૂંટણીમાં 48.88 ટકા મતદાન, તાલુકા પંચાયતમાં 51.08 ટકા મતદાન

   રાજ્યમાં નગરપાલિકા-પંચાયતની ચૂંટણીઓમાં સરેરાશ 47.84 (¬48) ટકા મતદાન

   (સાંજે 4 વાગ્યા સુધીની ટકાવારી. સ્રોત – રાજ્ય ચૂંટણીપંચ)

6. 28 ફેબ્રુઆરી 2021105 વર્ષના દાદાએ કર્યું મતદાન

   જામનગરના ગડુકા ગામે 105 વર્ષના ભોજાભાઈએ મતદાન કર્યું.

7. 28 ફેબ્રુઆરી 2021અત્યાર સુધી રાજ્યમાં સરેરાશ 39.22 ટકા મતદાન

   જિલ્લા પંચાયતની ચૂંટણીમાં રાજ્યમાં સરેરાશ 38.76 ટકા મતદાન થયું છે, જેમાં સૌથી વધુ મતદાન ડાંગ જિલ્લામાં 58.41 ટકા થયું છે. નર્મદા જિલ્લો બીજા ક્રમે છે જ્યાં 51.21 ટકા મતદાન થયું છે અને મોરબી જિલ્લો ત્રીજા ક્રમે છે. અહીં 47.35 ટકા મતદાન નોંધાયું છે.સૌથી ઓછું મતદાન બોટાદ જિલ્લામાં નોંધાયું છે. અહીં બપોરે ત્રણ વાગ્યા સુધી 30.65 ટકા મતદાન થયું છે.

   તાલુકા પંચાયતની ચૂંટણીમાં રાજયમાં સરેરાશ 40.51 ટકા મતદાન નોંધાયું છે. સૌથી વધુ મતદાન ડાંગ જિલ્લામાં નોંધાયું છે, જે 60.05 ટકા છે. ડાંગમાં સુબીર, વધઈ અને આહવા તાલુકા પંચાયતની ચૂંટણીઓ યોજાઈ રહી છે. બીજા ક્રમે ગાંધીનગર જિલ્લો છે જ્યાં બપોરે 3 વાગ્યા સુધી 51.66 ટકા મતદાન થયું છે. અરવલ્લી જિલ્લો ત્રીજા ક્રમે છે જ્યાં 51.15 ટકા મતદાન થયું છે. સૌથી ઓછું 29.72 ટકા મતદાન બોટાદ જિલ્લામાં નોંધાયું છે.

   નગર પાલિકાની ચૂંટણીમાં રાજ્યમાં સરેરાશ 38.45 ટકા મતદાન થયું છે. સૌથી વધુ મતદાન જામનગર નગરપાલિકાની ચૂંટણીમાં થયું છે જે 59.85 ટકા છે. બીજા નંબરે તાપી જિલ્લા છે જ્યાં 56.38 ટકા મતદાન થયું છે. વડોદરા ત્રીજા નંબરે છે જ્યાં 52.99 ટકા મતદાન થયું છે. નગર પાલિકાની ચૂંટણીમાં સૌથી ઓછું મતદાન જૂનાગઢ જિલ્લામાં નોંધાયું છે જે 30.55 ટકા છે.

   (આંકડા બપોરે 3.15 વાગ્યા પ્રમાણે – સ્ત્રોત - રાજ્ય ચૂંટણીપંચ)

8. 28 ફેબ્રુઆરી 2021અત્યાર સુધી સરેરાશ 34 ટકા મતદાન, જાણો ક્યાં સૌથી વધુ અને ક્યાં સૌથી ઓછું મતદાન?

   રાજ્ય ચૂંટણીપંચ અનુસાર રાજ્યમાં નગરપાલિકા અને પંચાયત ચૂંટણીઓમાં અત્યાર સુધી સરેરાશ 34 ટકા મતદાન થયું છે.

   દરમિયાન જિલ્લા પંચાયતની ચૂંટણીમાં રાજ્યમાં સરેરાશ 34.8 ટકા મતદાન થયું છે, જેમાં સૌથી વધુ મતદાન ડાંગ જિલ્લામાં 50.51 ટકા થયું છે. નવસારી જિલ્લો બીજા ક્રમે છે જ્યાં 43.06 ટકા મતદાન થયું છે અને તાપી જિલ્લો ત્રીજા ક્રમે છે, અહીં 43.01 ટકા મતદાન નોંધાયું છે. વળી સૌથી ઓછું 25.88 ટકા મતદાન ભરુચ જિલ્લામાં નોંધાયું છે.

   બીજી તરફ તાલુકા પંચાયતની ચૂંટણીમાં રાજયમાં સરેરાશ 36.05 ટકા મતદાન નોંધાયું છે. સૌથી વધુ મતદાન ડાંગ જિલ્લામાં નોંધાયું છે, જે 51.40 ટકા છે. ડાંગમાં સુબીર, વધઈ અને આહવા તાલુકા પંચાયતની ચૂંટણીઓ યોજાઈ રહી છે. બીજા ક્રમે ગાંધીનગર જિલ્લો છે જ્યાં બપોરે 2 વાગ્યા સુધી 43.42 ટકા મતદાન થયું છે. મોરબી જિલ્લો ત્રીજા ક્રમે છે જ્યાં 41.40 ટકા મતદાન થયું છે. સૌથી ઓછું 25.81 ટકા મતદાન ભરુચ જિલ્લામાં નોંધાયું છે.

   ઉપરાંત નગરપાલિકાની ચૂંટણીમાં રાજ્યમાં સરેરાશ 31.18 ટકા મતદાન થયું છે. સૌથી વધુ મતદાન જામનગર નગરપાલિકાની ચૂંટણીમાં થયું છે જે 44.13 ટકા છે. બીજા નંબરે તાપી જિલ્લો છે જ્યાં 39.91 ટકા મતદાન થયું છે. વડોદરા ત્રીજા નંબરે છે જ્યાં 38.21 ટકા મતદાન થયું છે. નગર પાલિકાની ચૂંટણીમાં સૌથી ઓછું મતદાન નર્મદા જિલ્લામાં નોંધાયું છે જે 13.36 ટકા છે.

   (મતદાનની ટકાવારી બપોરે 2.15 વાગ્યા પ્રમાણે - સ્ત્રોત રાજ્ય ચૂંટણીપંચ)

9. 28 ફેબ્રુઆરી 2021પરેશ ધાનાણીનું વિરોધ સાથે મતદાન

   વિપક્ષા નેતા પરેશ ધાનાણી ખાતરની થેલી લઈને મતદાન મથકે મત આપવા ગયા હતા. તેમણે ખાતર અને પેટ્રોલ-ડીઝલના ભાવ વધારાનો વિરોધ વ્યક્ત કરી મતદાન કર્યું. જુઓ વીડિયો.

10. 28 ફેબ્રુઆરી 2021ડેપ્યુટી સીએમ નીતિન પટેલે પણ મતદાન કર્યું.

    ડેપ્યુટી સીએમ નીતિન પટેલે મતદાન કર્યું તે વેળાની તસવીર. તેમણે કડી નગરપાલિકાના જનસુવિધા કેન્દ્ર ખાતેથી પરિવાર સાથે મતદાન કર્યું.

11. 28 ફેબ્રુઆરી 2021વિપક્ષના નેતા ધાનાણી સાઇકલ લઈને વોટ આપવા કેમ ગયા?

    વિરોધ પક્ષના નેતા પરેશ ધાનાણી અમરેલીમાં મતદાન કરવા સાઇકલ પર સવાર થઈને ગયા. તેઓ પેટ્રોલ-ડીઝલ અને ખાતરની મોંઘવારી મુદ્દે વિરોધ દર્શાવવા આ રીતે મતદાન કરવા ગયા હતા.

12. 28 ફેબ્રુઆરી 2021કેવો છો મતદાનનો માહોલ અને મતદારોનો મિજાજ?

    બીબીસી સંવાદદાતા રોક્સી ગાગડેકર છારાનું ગ્રાઉન્ડ પરથી ખાસ રિપોર્ટિંગ. મતદાન અને મતદારોના મિજાજ અને માહોલ પર રિપોર્ટિંગ. જુઓ અહેવાલ.

13. 28 ફેબ્રુઆરી 2021મતદાનની ટકાવારી

    નગરપાલિકામાં સરરેશ મતદાન 18.34 ટકા

    સૌથી વધુ મતદાન – જામનગર નગરપાલિકામાં26.30 ટકા

    સૌથી ઓછું મતદાન – પોરબંદર નગરપાલિકામાં12.96 ટકા

    જિલ્લા પંચાયતમાં સરેરાશ મતદાનમાં 21.7 ટકા

    સૌથી વધુ મતદાન – સાબરકાંઠા જિલ્લા પંચાયતમાં 31.76 ટકા

    સૌથી ઓછું મતદાન – ભરુચ જિલ્લા પંચાયતમાં 14.83 ટકા

    તાલુકા પંચાયતમાં સરેરાશ મતદાનમાં 22.26 ટકા

    સૌથી વધુ મતદાન – ડાંગ જિલ્લોમાં 32.01 ટકા

    સૌથી ઓછું મતદાન – વડોદરા જિલ્લોમાં 16.33 ટકા

    રાજ્યનું સરેરાશ મતદાન- 20.76 (બપોરે 12.15 વાગ્યા પ્રમાણે) (સ્ત્રોત- રાજ્ય ચૂંટણીપંચ)

14. 28 ફેબ્રુઆરી 2021ક્યાં થયું કેટલું મતદાન?, રાજ્યમાં નગરપાલિકાઓ, જિલ્લા અને તાલુકા પંચાયતોનું મળીને સરેરાશ 8.76 ટકા મતદાન.

    1 - રાજ્યમાં નગરપાલિકામાં સરરેશ કુલ 8.67 ટકા મતદાન

    સૌથી વધુ મતદાન – ગાંધીનગર નગરપાલિકા – 16.27 ટકા

    સૌથી ઓછું મતદાન – સુરેન્દ્રનગર નગરપાલિકા – 5.82 ટકા

    2- રાજ્યમાં જિલ્લા પંચાયતમાં સરેરાશ કુલ 8.25 ટકા મતદાન

    સૌથી વધુ મતદાન – સાબરકાંઠા જિલ્લા પંચાયત – 12.75 ટકા

    સૌથી ઓછું મતદાન – મહીસાગર જિલ્લા પંચાયત – 5.65 ટકા

    3 - રાજ્યમાં તાલુકા પંચાયતમાં સરેરાશ કુલ 9.37 ટકા મતદાન

    સૌથી વધુ મતદાન – ગાંધીનગર જિલ્લો – 15.46 ટકા

    સૌથી ઓછું મતદાન – છોટા ઉદેપુર – 6.61 ટકા

    (સવારે 11.15 વાગ્યા પ્રમાણે, સ્રોત – રાજ્ય ચૂંટણીપંચ)

15. 28 ફેબ્રુઆરી 2021'દિવ્યાંગ' મતદારે પણ ફરજ નીભાવી

    દહેગામમાં દિવ્યાગ મહિલા એ જિલ્લા પંચાયત ચૂંટણીમાં મતદાન કર્યું તે વેળાની તસવીર.

16. 28 ફેબ્રુઆરી 2021અમેરિકામાં એક જ વખત આપવી પડે એવી કોરોના વૅકિસનને મંજૂરી

17. 28 ફેબ્રુઆરી 2021પામોલમાં 100 વર્ષના દાદાએ કર્યું મતદાન

    રાવલ કાંતિલાલ મોતીલાલે જુસ્સાની સાથે 100 વર્ષે કર્યું મતદાન. મતદાન કરી કહ્યું - મતદાન મારો અધિકાર છે એટલે હું મતદાન માટે પહોચ્યો છું.

18. 28 ફેબ્રુઆરી 2021સાણંદ-બાવળાના આસપાસના ગ્રામ્ય વિસ્તારોમાં કેવો છે માહોલ?

19. 28 ફેબ્રુઆરી 2021અત્યાર સુધી ક્યાં કેટલું મતદાન થયું?

    ગુજરાતમાં નગરપાલિકાની ચૂંટણીઓમાં અત્યાર સુધી (10 વાગ્યા સુધીમાં) ચૂંટણી પંચ અનુસાર સરેરાશ કુલ 6 ટકા મતદાન થયું છે.

    81 નગરપાલિકાઓની ચૂંટણીના મતદાનની ટકાવારીની વાત કરીએ તો સૌથી વધુ મતદાન તાપી જિલ્લામાં 8.73 ટકા જ્યારે સૌથી ઓછું મતદાન ખેડા જિલ્લામાં 2.36 ટકા મતદાન થયું છે.

    તાપી જિલ્લામાં એક નગરપાલિકા વ્યારામાં મતદાન ચાલુ છે. જ્યારે ખેડામાં કપડવંજ, નડિયાદ, કઠલાલ, કંજરી અને ઠાસરા નગરપાલિકામાં મતદાન થઈ રહ્યું છે.

    ગુજરાતમાં જિલ્લા પંચાયતોની ચૂંટણીઓમાં અત્યાર સુધી (10 વાગ્યા સુધીમાં) ચૂંટણી પંચ અનુસાર સરેરાશ કુલ 6.31 ટકા મતદાન થયું છે.

    ગુજરાતમાં તાલુકા પંચાયતોની ચૂંટણીઓમાં અત્યાર સુધી (10 વાગ્યા સુધીમાં) ચૂંટણી પંચ અનુસાર સરેરાશ કુલ 6.31 ટકા મતદાન થયું છે.

    જ્યારે તાલુકા પંચાયતની ચૂંટણીમાં મતદાનની ટકાવારીની વાત કરીએ તો અત્યાર સુધી એટલે કે 10 વાગ્યા સુધી રાજ્યમાં સરેરાશ 6.97 ટકા મતદાન થયું છે.

    (તમામ આંકડા સ્રોત - રાજ્ય ચૂંટણી પંચ, 10 વાગ્યા સુધી)

20. 28 ફેબ્રુઆરી 2021લોકશાહીની ખૂબસૂરતી!

    દહેગામમાં વરરાજા એ લગ્ન કરતાં પહેલાં કર્યુ મતદાન.