જગજીત સિંઘ વિશેની આ વાતો કદાચ આપ નહીં જાણતા હો

ઇમેજ કૅપ્શન, જલંધરની ડીએવી કૉલેજની હૉસ્ટેલમાં જગજીત સિંઘ રહેતા હતા. તેમની આસપાસના રૂમમાં રહેવાનું કોઈ પસંદ નહોતું કરતું. કારણ કે તેઓ સવારે પાંચ વાગ્યે ઊઠીને રિયાઝ કરતા. તેઓ પોતે પણ નહોતા સૂતા અને બાજુમાં રહેનાર કોઈને સૂવા પણ નહોતા દેતા.

ઇમેજ કૅપ્શન, બહુ ઓછા લોકો જાણે છે કે એ દિવસોમાં ઑલ ઇન્ડિયા રેડિયોના જલંધર સ્ટેશને તેમને ઉપશાસ્ત્રીય ગાયન શૈલીમાં ક્વૉલિફાય નહોતા કર્યા. શાસ્ત્રીય શૈલીમાં તેમને બી ગ્રેડનો દરજ્જો મળ્યો હતો.

જગજીત સિંઘના કૉલેજના દિવસોની તસવીરમાં અન્ય કૉલેજના લોકો અને મેડલ સાથે

ઇમેજ સ્રોત, KARTAR SINGH

ઇમેજ કૅપ્શન, એક વખત સુભાષ ઘાઈ અને જગજીત સિંઘ પોતપોતાની યુનિવર્સિટી તરફથી આંતરરાજ્ય યુવા મહોત્સવમાં ભાગ લેવા બેંગ્લુરુ ગયા હતા. જ્યારે માઇક પર જાહેરાત થઈ ત્યારે લોકો હસી પડ્યા કે એક પંજાબી કઈ રીતે શાસ્ત્રીય શૈલીમાં ગાઈ શકે.

ઇમેજ સ્રોત, CHITRA SINGH

ઇમેજ કૅપ્શન, પરંતુ જેવું તેમણે ગાવાનું શરૂ કર્યું કે ધીમે-ધીમે તેમનો જાદુ પ્રસરવા લાગ્યો. હાજર જે શ્રોતા શાસ્ત્રીય સંગીત સમજતા હતા તેઓ તાળીઓ વગાડતા રહ્યા. આ સ્પર્ધામાં જગજીતનો પહેલો નંબર આવ્યો.

ઇમેજ સ્રોત, CHITRA SINGH

ઇમેજ કૅપ્શન, 1965માં જગજીત સિંઘ મુંબઈ પહોંચ્યા. જ્યાં તેમની મુલાકાત ઊભરતી ગાયિકા ચિત્રા સિંઘ સાથે થઈ. ચિત્રા કહે છે કે જ્યારે જગજીતને પહેલી વખત જોયા ત્યારે તે પાડોશમાં ગાવા માટે આવ્યા હતા. તેમણે એ પણ કહ્યું કે મેં જ્યારે પહેલી વખત જગજીતને સાંભળ્યા તો મને બિલકુલ નહોતા ગમ્યા.

કાર્યક્રમમાં પર્ફોર્મ કરતા જગજીત સિંઘ અને ચિત્રા સિંઘ

ઇમેજ સ્રોત, CHITRA SINGH

ઇમેજ કૅપ્શન, જગજીત સિંઘે ગાયેલી અને સૌ પ્રથમ રેકર્ડ થયેલી કૃતિ ગુજરાતી ભજન હતું અને તેમને ગુજરાતી સંગીતકાર અજીત મર્ચન્ટે પ્રથમ બ્રેક આપ્યો હતો.

ઇમેજ સ્રોત, CHITRA SINGH

ઇમેજ કૅપ્શન, જગજીત સિંઘના ભાઈ કરતાર સિંઘે બીબીસી સાથેની વાતચીતમાં કહ્યું કે તેઓને આશ્ચર્ય થતું કે જગજીત ગઝલની વચ્ચે જૉક્સ કેમ કહેતા. ત્યારે જગજીતે તેમને જવાબ આપેલો કે ખાલી ગાવાથી તમે શ્રોતા સાથે કનેક્ટ નથી થઈ શક્તા, એટલે જૉક્સ કહું છું.

જગજીત સિંઘ ચિત્રા સિંઘ અને સંગીતકાર ખય્યામ

ઇમેજ સ્રોત, CHITRA SINGH

ઇમેજ કૅપ્શન, જગજીત સિંઘ દર બે વર્ષે આલ્બમ રિલીઝ કરવાનું પસંદ કરતા હતા. તેમના મતે શ્રોતાઓને પ્રતીક્ષા કરાવવી જોઈએ.

હોર્સ રેસિંગ મેદાનમાં ઘોડા અને અન્ય લોકો સાથે જગજીત સિંઘ

ઇમેજ સ્રોત, CHITRA SINGH

ઇમેજ કૅપ્શન, જગજીત સિંઘને હોર્સરેસિંગનો ખૂબ શોખ હતો. એક રેસમાં તેમનો ઘોડો અચાનક આગળ નીકળી ગયો તો તેઓ જોર-જોરથી બૂમો પાડવા લાગ્યા. તેમનો અવાજ બેસી ગયો. તેમને ફરી ગાવા માટે લાયક થવામાં ચાર મહિના લાગ્યા.

ઇમેજ કૅપ્શન, પહેલી વખત જાવેદ અખ્તરે જગજીત સિંઘને અમિતાભ બચ્ચનના ઘરે સાંભળ્યા હતા. જાવેદ અખ્તરે જગજીત સિંઘ વિશે કહ્યું હતું કે ગઝલ ગાયકીમાં જગજીત ભારતીય ઉપમહાદ્વીપમાં આખરી સ્તંભ હતા.

જગજીત સિંઘ જ્યારે પાકિસ્તાન ગયા ત્યારે તેમનું થતું સ્વાગત

ઇમેજ સ્રોત, CHITRA SINGH

ઇમેજ કૅપ્શન, જગજીત સિંઘ તેમના સાજિંદાઓનું ખૂબ ધ્યાન રાખતા. તેમના એક રેકૉર્ડિસ્ટ દમન સૂદના જણાવ્યા પ્રમાણે એક વિદેશ યાત્રા સમયે જગજીત સિંઘે સવારમાં દમન સૂદ માટે બેડ-ટી બનાવી હતી. એક વખત તેમણે પોતે સૂટ પણ ઇસ્ત્રી કરીને આપ્યો હતો.